kritiken hemeroteka

8.553 kritika

« | »

Olerkarijak, ikasliak / (Liburu zehatzik ez)

Olerkarijak, ikasliak Lauaxeta / Euzkadi, 1932-08-09

Egun beratan batu dira, Ernani’n eta Bergara’n geure Olerkarijak eta Ikasliak. Jai oneik garrantzi andija daukoe. Gastiak, euren begijetako alattasunaz, batzar ederra egin dabe, euren ikaskixunetan euzko-errijaganako mattasuna erabilli nai dabela erakusteko.

Orain urte batzuk euzko-ikasliak etziran gomutetan euren errijatzaz. Aberrijatzaz eztogu idazten, euren errijatzaz baño. Geyenak atzerriko arazuetan-ziar sartuten ziran.

Amaikatxu idazti, olerki, lan eder egin dabez euzko-ikasliak, iñorentzat, eurek erri bat ezpa’leukien.

Baña orain, bide-okerrak itzi-ostian, abendeakiko arauzai dagoz. Euren ikaste gustijetan erabilli nai dabe errijaganako mattasuna. Ezin jakin dakikegu euzko-errija argija dan edo ez, jakintza-bidietan dabiltzanak agertzen eztaben artien.

Baserriko semiak ezin dagike erakutsi bere abendearen gurentasuna. Baña ikastetxietan ibili danak, idaztijetan begiak neketu dauzanak, onek bai erakutsi dagike noragiñokua dan geure errijonen edertasuna.

Eta azkura onek jo dauz, bijotza ikutu dautsoe. Orain Euzko-Ikasle-Batz eratu dabe ta elburu bakarra eztabe galtzen. “Eurek euzko-semiak dirala ta bete-biarra daukoela”.

Igandeko batzarrak auxe darakus. Eztakigu zenbat notin batu zan, baña ardurarik bere ez. Azaleko gauzai begira ezkagozanok, an ixan zan ixatiari, goguari begira gagoz.

Ikaslien lenengo batzarran, bide baten lorratza ikusi dogu. Ezta ardurarik asko edo gitxi batu, ikaslien barruban ikusten dan jakin-miñak poztuten gauz.

Egun beratan be, batu dira Ernani’n euzko-olerkarijak. Olerkari-ixena entzun ordukoxe, barre egiten dabe geyenak.Lotsatuten gara ixen ori entzun-ezkero. Baña geure olerkarijak aurrera duaz. Irugarrenez batzar zoragarri ori egin da.

Lenengo ta bigarren batzarretan saritubak ixan diranak, idaztiño bana argittaldu dabez. Aurten sarituba-ixan danak beste orren beste egingo daula uste dogu.

Gañera “EUSKALTZALEAK” urtero olerki idaztiño bat argittaldu daroe. Orain Iturriaga’ren ipuñak. Gaur euzko-semiak begirakunez begiratzen dautsoe olerkarijai. Eurek dira izkuntzaren seme-kutunak.

Olerkarijak abeslari ta ikasliak euzko-bidiak-barna ibilddeko asmoz. Egun ederra euzkotarrentzat. Bijarko olerkarijak Bergara’n ziran. Ortik agertuko yakuz geure elian edertasuna azalduko dauzkubenak. Beste laterrijetako elertijak jakin-ostian, geurera joko dira.

Benetako Pizkundia oraintxe sortzen asi yakula, uste dot. Gastian buru-bijotzetan olerkijak egaizka, gogai gurenak.

An-emen agertzen ixan dira orain arte idazliak. Berez ernetzen ixan dira.

Baña aurrerantzian eurrez urtengo dira ikastetxietatik. Bijotzean gogai bat sartuten danian, gogai orren jarralle ibilli biar. Ezin aldendu ixaten gara.

Jakintza-zaliak eta erriko semiak, ikastetxekuak eta basetxekuak, gustiak alkartuten dira. Laterri baten garea sortuten yakuzala, dirudi.

Gauza bakarra biarren dogu: orain arte elia alboratuten ixan dabe geyenak. Iñor etzan konturatuten geure otturak zer balio eben. Gitxi ziran euzko-edestija aintzakotzat artzen ebienak. Baña gaur euzko-zale barik etsai edo arerijo danari begi-txarrez begiratzen yako.

¿Zer jazo ete-dan? Bittartian gogai bat sortu dala. Abertzaletasunak bere indarra senti-eragin dautsoe gustijai, ta len lotsatuten ziranak, gaur dedutzat artzen dabe.

Ikasliak geureganatu ba-dira, olerkarijak agertzen ba-dira. Idazliak eurrez ba-doguz, abertzaletasunari zor yako. Beste batzuk be, egija esan biarko, lan asko egin dabe, baña bestiak egin dabenak eztautso kentzen edertasunik ez garrantzirik abertzaletasunak egin daunari. Orixe ixan da euzko-errijaren igitzalia, besterik iñor ez.

Azken kritikak

Kontra
Ane Zubeldia Magriñá

Irati Majuelo

Denbora galduaren bila / Swann-enetik
Marcel Proust

Aritz Galarraga

Iraileko zazpi egun
Eneko Azedo

Aiora Sampedro

Iragan atergabea
Julen Belamuno

Mikel Asurmendi

Anatomia bertikalak
Lierni Azkargorta

Ainhoa Aldazabal Gallastegui

Lurrez estali
Ximun Fuchs

Jon Jimenez

Irakurketaren aldeko manifestua
Irene Vallejo

Mikel Asurmendi

Poesia guztia
Safo

Mikel Asurmendi

Josefa, neskame
Alaitz Melgar Agirre

Jon Jimenez

Oihaneko ipuinak
Horacio Quiroga

Jon Jimenez

Reset
Aitziber Etxeberria

Mikel Asurmendi

Baden verboten
Iker Aranberri

Jose Luis Padron

Gizaberetxoak gara
Mikel Urdangarin Irastorza

Jon Jimenez

Iragan atergabea
Julen Belamuno

Hasier Rekondo

Artxiboa

2025(e)ko iraila

2025(e)ko abuztua

2025(e)ko uztaila

2025(e)ko ekaina

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

Hedabideak