kritiken hemeroteka

7.871 kritika

Azken kritikak

« | »

Kristalezko bularrak / Pablo Sastre / Susa, 1990

Bizi egin behar Juan Luis Zabala / Euskaldunon Egunkaria, 1990-12-29

Bizimodua gogorra dela erakusten digu Pablo Sastreren azken liburuak. Gogorra batez ere bizitzak eskatzen duen burrukarako ahulegi direnentzat. Leku bat aurkitu, leku bat egin behar mundu bortitz eta arrotz honetan. “Bizi egin behar”… Hala dio herri filosofiak, eta ez alferrik…

Liburuak kontatzen dituen istorioak ez dira zabaldu eta isten diren istorioak, pertsonaia batzuren bizitzetako pasarte solteak baizik, bizi beharraren alde, bizipoza sentitu alde, muduan leku bat aurkitu alde burrukatzen diren pertsonaia batzuren pasarte solteak, giza burrukaren koadro zabaliak, itxi gabeak. Erakusketa baten antzera.

Giza bizitzaren porrotaren koadro leun eta eskurakoi hauetan arima zulo beltz batean sartuta bizi diren pertsonaien sentimenduak eta bizipenak irakur ditzakegu. Horrelakoak dira koadro horiek, ipuin horiek. Ez dago zoriontasunik batere liburu honetan. Dena zantarra eta gogorra da, inori ez zaio ezer ere ongi ateratzen. Gizonen sexu irrikaren biolentzia gaiztoa bizi eta jasaten duten emakumeak, erremediorik gabeko alkoholiko etxekalteak, heriotzarengandik gertu bizi diren agure zahar bakarti ahantziak, konturatu gabe porrot egindako prostitutak, familia atzean eta urruti utzitako pertsonaia bakartiak dira ipuinen protagonistak, gizartean ezin sartu direnak. leku bat ezin aurkitu dutenak, gizarteak eskatzen duen ordenara ezin amoldatu, ezin errenditu direnak. Geure antza har diezaiekegu ordea, geuk ere burruka triste horri eusten diogun neurrian, geu ere bizi beharraren premiak markatuak gauden neurrian.

Donostiako kanpoalde inguruko auzategietan kokatzen dira ipuinok, eta Donostiaren irudi topikoarekiko kontraste handia erakusten digute. Baina ingurune ezkutu horiek azaleratu eta erakusteaz gain, gai hauek jasotzeko sentsibilitate berezia erakusten du Pablo Sastrek liburu gordin baina halaber xamur, goxo eta abegikor honetan. Goxoa eta abegikorra, bai, aterpetik euriari begira geratzea bezalaxe beharbada.

Azken kritikak

Mamu eratortzeko moduak
Juanjo Olasagarre

Asier Urkiza

Udaberria sutan
Joxemari Iturralde

Nagore Fernandez

Ez dakit zertaz ari zaren
Ana Malagon

Paloma Rodriguez-Miñambres

Nikole bijotzekua
Edorta Jimenez

Mikel Asurmendi

Bihurguneko nasa
Uxue Apaolaza

Irati Majuelo

Euri zitalari esker
Itxaro Borda

Amaia Alvarez Uria

Itzultzeko etorri naiz
Felipe Juaristi

Hasier Rekondo

Ogia eta zirkua
Irati Jimenez

Paloma Rodriguez-Miñambres

Totelak
Fermin Etxegoien

Asier Urkiza

Haragi hosto
Juan Ramon Makuso

Paloma Rodriguez-Miñambres

Ez dakit zertaz ari zaren
Ana Malagon

Txema Arinas

Bihotza negar eta irri
Maryse Conde

Irati Majuelo

Sortaldekoak
Hedoi Etxarte

Igor Estankona

Itzultzeko etorri naiz
Felipe Juaristi

Jose Luis Padron

Artxiboa

Azaroa 2021

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Hedabideak