kritiken hemeroteka

7.325 kritika

Azken kritikak

« | »

Antoloxía Homenaxe / Manuel María (Koldo Izagirre) / Fato Cultural Daniel Castelao, 2005

32 poema Felipe Juaristi / El Diario Vasco, 2006-05-26

Poesia Euskal Herrian gaitzetsia ez ezik, gaizki eta gaziki hartua ere bada. Poetak barkamena eskatu behar du, batzuetan, poeta dela edo poesia idazten duela esan aurretik. Barkamena eskatu behar du eta besteen irri-karkara ozena jasan ere bai. Poesia ergelkeria denik ez da esaten, ez, oraindik edukatuak baikara, kontu batzuetan bederen, lehentasunik eta garrantzirik ez duten kontuetan, hain zuzen. Aberria aipatuz gero, zorrotzagoak jartzen dira belarriak eta hortzak eta eskuak eta oinak. Aberri poesia balitz! Baina aberria ez da poesia, edo poesia ez da aberria. Garai batean poesia oinarrizkoa zen aberrigintzan. Orain, hala dirudi, aberrigintza oinarrizkoa da poesian, adreilua etxegintzan bezala. Eta pentsa daiteke aberrigintza dela poesiaren adreilua, eta hala da, baina zentzu fisikoan, eta ez irudimenezkoan. Poesia beste zerbait da, inork gutxik ontzat hartzen duen kontua; poetek bakarrik ontzat hartzen duten kontua, esango nuke.

Alde ederra hartu digute horretan bederen galiziarrek. Garbi dute bere poetak gaizki hartzen dituen herriak ez duela “herri” izena merezi, eta euskaldunoi ahoa herriz betetzen zaigu, eta batzuei poltsikoak ere bai, herriz eta herrigintzaz. Herrigintza minez egiten da, eta poesia ere bai, minez eta ezinez, baina gutxi inporta, aurrera doan herri honetan, poesia eta hitza, poesia eta kultura, jateko ez den kultura eta jateko ez den hitza bederen. Aurrera goaz, atzeraka ibiliz, edo atzera goaz, aurrera goazela uste izanik.

Izan ere, galiziarrek maite dituzte beren poetak, eta horren adibide liburu hau dugu, Manuel Maríari egindako omenaldiaren emaitza. Hogeita hamabi poema aukeratu dituzte, eta euskarara itzuli ditu Koldo Izagirrek. Manuel María poeta handia izan da, poza ematen zuen poemak irakurtzen entzuteak, poza eta beste zerbait ere bai, barrenean kateatuta gelditzen zena, hesteak betean harrapatuz. Itzulpena ona da eta poemak ederrak. Liburua aurkitzen zaila da. Horixe du akatsik handiena.

Azken kritikak

Kontrako eztarritik
Uxue Alberdi

Sustrai Colina

Jamaikako neska
Joxemari Iturralde

Javier Rojo

Mari-mutil handi baten bluesa
Leslie Feinberg

Onintza Irureta Azkune

Idazleen gorputzak
Eider Rodriguez

Javier Rojo

Oroimenaren xaflakortasunaz
Paloma Rodriguez Miñambres

Javier Rojo

Urtaroak eta zeinuak
Jon Gerediaga

Igor Estankona

Maitasun keinu bat besterik ez
Hasier Arraiz

Iratxe Esparza

Hezurren erretura
Miren Agur Meabe

Hasier Rekondo

Deklaratzekorik ez
Beñat Sarasola

Javier Rojo

Mundutik mundua
Edu Zelaieta

Javier Rojo

Hezurren erretura
Miren Agur Meabe

Amaia Alvarez Uria

Iraganaren izterrak
Gorka Salces Alcalde

Igor Estankona

Jamaikako neska
Joxemari Iturralde

Estibalitz Ezkerra

Iraganaren izterrak
Gorka Salces Alcalde

Javier Rojo

Artxiboa

Abuztua 2019

Uztaila 2019

Ekaina 2019

Maiatza 2019

Apirila 2019

Martxoa 2019

Otsaila 2019

Urtarrila 2019

Abendua 2018

Azaroa 2018

Urria 2018

Iraila 2018

Hedabideak