susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gorroto haut, maite haut | Nola desagertu? »

Euskal kontagintza gaur / La narrativa vasca hoy / Jon Kortazar / Centro de Prof. y Recursos de Cuenca, 2003

Gure postmodernitatea Jon Kortazar / El Correo, 2003-09-17

Jon Kortazarrek euskal itzulpenean “Euskal kontagintza gaur” izena duen saiakera elebiduna argitaratu du; bertan Cuencan 2002.ean egindako ikastaro bateko parte-hartzearen testua biltzen da. Honetan, Kortazar euskal kontagintzaren izaera postmodernitaean agertzen diren ezaugarrietatik aztertzen saiatzen da. Lehenengoz, postmodernitatea definitzen duten ezaugarri hauen berri ematen du, horretarako Peter Zima-ren ideiak oinarritzat hartuta. Sarrera moduko planteamendu orokorra azaldu ondoren, euskal kontagintzan ezaugarri horien aztarnak arakatzen saiatzen da. Kontua da Peter Zima-ren ikuspuntuaren arabera, indiferentzia dela postmodernitatea defintzen duen ezaugarri nabarmenenetako bat eta, hain zuzen ere, neurri handi batean behintzat, horixe du falta euskal kontagintzak, saiakera honen arabera. Izan ere, Euskal Herriko egoerak ez baitu leku handirik uzten indiferentziarako. Literatura postmodernoaren ezaugarri estilistikoak, ordea, askotan agertzen bide zaizkigu azken urten hauetako euskal kontagintzan. Gauzak horrela, beste zenbaitetan bezala, badirudi euskal literaturan berezko egoera kontraesankor bat aurkitzen dugula. Liburu honekin Jon Kortazarrek beste saio bat egin du euskal literaturaren sistema ultertzeko bidean.