kritiken hemeroteka

8.301 kritika

« | »

Poema liburu bat —irakurtzeko jarraibideak— / Angel Erro / Erein, 2022

Denboran gelditua Paloma Rodriguez-Miñambres / El Diario Vasco, 2022-12-10

Denbora luzea eman du poesia argitaratu barik Angel Errok, 2005etik, zehazki. Ixilaldi horren erantzuna da liburu hau, Blas de Otero-Angela Figuera XIV. Poesia Saria irabazi zuena 2021ean. Abisu bat irakurleentzat 41 poematan barnatu baino lehen: titulua engainagarria zaigu. Hau da, irakurtzeko jarraibideak izan beharrean, kontrakoa ematen du, orden finko bat segitu gabe gomendagarriagoa suerta baitaiteke irakurketa, poetak ziria sartuko baligu bezala, tankera ironikoa eta jostagarria baliaturik —azken poemak “Hitzaurrea (edo azken taberna)” du izenburu. Gauzak horrela, aurrera eta atzera ibil daiteke idazle honen erregistro joria eta lirikotasuna kausitu ahal ditugulako nonahi. Hizkuntzarekin egiten du lan handia Errok. Halaber, bere asmoak agerian utzi ditu liburua hasten duen aipuak, Senekarenak: “Si vis amari, ama”. Horrek obraren tonua eta gaitegia iragartzen ditu, maitasuna forma desberdinetan islatzen delako biziaz, poesiaz, bikotekideaz, amaz, edertasunaz. Horietatik oso hunkigarriak begitandu zaizkit amari eskainitakoak (“Hilda egon ez zaitezen”, “Soineko huts usaintsuak”, “Baina lege”). Olerkariak miresten dituen beste idazle eta pentsalarien omenaldiak daude olerkietan barreiaturik, esaterako, Aurora Luque, Cesar Vallejo, Jorge Luis Borges, Luis de Camoes, Pernando Pessoa, Angel Maria Pascual, Urial da Costa, Eckhart von Hochheim edo Roland Barthes. Harrigarria ere dirudike kirolari bat azaltzeak, Ian Thorpe igerilariak; poema horretan, dena den, Pindarok gazte ederren gainean ondu zituen bertsoen oihartzuna igartzen eta, aldi berean, poetaren lanabesekin analogia egiten du (“Errepika, erritmoa, erritua”). Bertsoz harilkatu duen mota anitzetako maitasun-aitorpen hau ezingo du denborak garaitu, Errok berak adierazi duenez: “poesia niretzat da hitzaren aldeko eta denboraren kontrako borroka bat”.

Azken kritikak

Mesfida zaitez
Bea Salaberri

Irati Majuelo

Transgresioa irakasgai
Bell Hooks

Bestiak Liburutegia

Manttalingo alaba
Mikel Etxaburu

Paloma Rodriguez-Miñambres

Airemortuak
Gorka Salces Alcalde

Asier Urkiza

Haragizko mamuak
Karmele Mitxelena

Nagore Fernandez

Zoriontasunaren defentsan
Epikuro

Aritz Galarraga

Zeru-lurren liburua
Jon Gerediaga

Aitor Francos

Ez naiz ondo akordatzen
Karlos Linazasoro

Sara Cabrera

Gizon barregarriak
Joxean Agirre

Sara Cabrera

Ura ez baita beti gardena
Xabi Lasa

Irati Majuelo

Gaueko azken expressoa
Eneko Aizpurua

Ibon Egaña

Carvalho Euskadin
Jon Alonso

Aiora Sampedro

Gizadiaren oren gorenak
Stefan Zweig

Jon Jimenez

Gizon barregarriak
Joxean Agirre

Asier Urkiza

Artxiboa

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

Hedabideak