kritiken hemeroteka

8.288 kritika

« | »

Blues bat bizitzari / Patxi Ezkiaga / Balea Zuria, 2018

Benetako poesia Javier Rojo / El Diario Vasco, 2018-12-15

Azken hamarkadetan euskal literaturaren bilakaeraren lekuko izan garenok gogoratzen dugu nola 80ko eta 90eko hamarkadetan Patxi Ezkiaga erreferente garrantzitsua zen, batez ere poesiaren alorrean. Hainbat eta hainbat liburu ematen zituen argitara nekaezina zirudien lehiarekin. Eta sarietan ohikoa zen bere presentzia irabazleen artean. Milurteko berriarekin, jardun hori motelduz joan zen, isiltasuna nagusitu zen arte. Eta isiltasun horren ondoren, aurten haren hil berria heldu zaigu. Testuinguru honetan Balea Zuria argitaletxearen arduradunek poetaren antologia plazaratu dute “Blues bat bizitzari” izenburuarekin.

Poetaren ibilbide osoa jarraitu daiteke liburu honetan, azken urteetan idatzi baina argitaratu ez diren zenbait poema ere bertan agertzen direlarik, idazleari buruzko ideia borobiltzeko laguntzen dutenak. Idazlea sinestuna zen, baina nago bere sinesmena ziurtasunetan baino sinistu nahian oinarritzen zela gehiago. Izan ere, bizitza maite zuen beste edozein gauzaren gainetik, baina bizitzak azken muga bat aurkezten zion, transzendentziaz bete nahi zuena. Bizitzarekiko maitasun horrek bere paraleloa zuen naturalezan. Modernitatea eta zibilizazioa baztertu gabe naturalezaren erritmoekin bat egin nahiago zuen, bera ere naturalezaren partaidea zela sentitzeko. Eta bestalde, naturalezaren zikloek bizitza azaltzeko ere balio zioten. Bere poesian ikus dezakegun beste ezaugarri bat gizatasuna da, ahulen eta baztertuen aldeko jarreraren bidez. Perspektibarekin ikusita, Patxi Ezkiaga poeta handia begitantzen zaigu, funtsezkoa. Funtsezkoa, batez ere, bere poemetan gizakiaren izaera azaltzeko gai zelako: erroak nahi dituelarik, gizakia alderrai dabil munduan, noraezean; horixe da bere benetako kondizioa, bertan egon, guztiz benakoa izan gabe. Eta bizitza erbeste moduko bat bada, poetak edertasuna aurkitu zuen deserri honetan.

Antologian, esan bezala, argitaratu gabeko poemak ageri dira, ibilbide poetiko eta bitalari azken markoa jartzen diotenak. Ezinezkoa da poema horiek irakurtzea hunkidurarik sentitu gabe, azken muga ikusten duen gizakiaren lekukotasun sosegatuak dira-eta: benetako poeta baten poesia zirraragarria.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak