susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Garoa | Biotz-begietan olerkiak »

Bide izkutua / Hugo Wast (Sabin Berasaluze / Joxe Iturria / Imanol Unzurrunzaga) / Itxaropena, 1956

“Bide ezkutua” Sinadura gabea / Jakin, 1956

Sarritan “iskutuan” edo ixil-mixilka lan egin bear izaten dugu, bearrez, elea gaizkatuko bada. Gure lagun auek onelaxe joka digute, ixillean, apaltasunean, beren ikasketak eskeintzen zizkien tarteetatik etenkigarri atereaz.

Eleberri edo novela, au itzulpena dugu, Euskaltzaindiak gertutako txapelketarako antolatua, noski. Iritzia eman ordez, berri ematea egokiagotzat jo dut, eleberrigillea nor danik jakinda ezpaitu sertarakorik nere epai apala emateak. Nobelagillea Hugo Wast duzute, idazle ospetsuenetakoa eleberri saillean: itzal aundiko idazlea bere elaberriak inglesera, prantzera, alemanera eta beste zenbait izkuntzetara itzuliak dauzkagunez.

Hugo Wast euskaldun dugu zorionez; “Bide izkutua” itzulpenak dakarren itzaurretik jaso dizut bere eskutitz-zatiau: “No puede V.R. imaginarse la satisfacción que esta noticia, realmente extraordinaria, me ha producido….” Bigarrengo eskutitzetik beste au: “Vuelvo a decirle que pocas cosas en mi carrera de escritor me han halagado tanto como la traducción al vasco de una novela mía, por lo mucho que quiero yo a ese gran pueblo del cual desciendo por parte de madre (Zubiria) y lo que ufano el poder contribuir a la mayor difusión de su rico idioma.”

Eleberri euskeratua idazle ospetsu batena izanik, bikaña, ulerterreza, bai gai bai euskeraz, eramankorra., bizia dugu. Eleberri onen erderazko idazpurua “El Casino de las llamas” duzu.

Ezagunak zaizkizute oso eleberri onen itzulpengilleak; Sabin Berasaluze batez ere. Beronen kutsua darama baitipat eleberri onek: idazkera bizia, airosoa, errexa, atsegiña. Naiz-ta iru izan itzuli dutenak. Beste bi lankideak: Iturria’tar Joxe bat: Aita Karmeloren anaia. Biak euskal idazle iaioak; ta Imanol Unzurrunzaga bestea, “Itxaropena” irarkolako seme. Luma ioria darabil onek ere. Zorionak!