kritiken hemeroteka

8.826 kritika

« | »

Bestiarioa. Hilerrikoiak / Karlos Linazasoro / Elkar, 2006

Bestiarioa. Hilerrikoiak Goizalde Landabaso / Radio Euskadi, 2006-11-19

Gustatu zitzaidan azala. Azal batek ez du deus ere adierazten, eta norbaitek egiten duela pentsatzen baldin badu, pentsa dezala, ba. Dena den izenburuak bezain alferrekoak dira, sarri; bezain engainagarri. Besteetan, ostera, ustekabe itzelak ematen dituzte. Batzuk eta besteek. Neuri gustatu zitzaidan azala. Hain alaia, hain koloretsua, hain ezberdina… Abstrakziotik zerbait duen azala, begirada zuzen batek betetzen duena. Liburuaren ipurdiak esaten zuen heriotza zuela ardatz. “Heriotzaren presentzia desgaraikoak eteten du behin eta berriro kontakizun honetako protagonistaren egunerokoa”. Hori irakurri, buelta eman eta azalean bizitza adierazten duten koloreak agertzea… hori bai, irudiak tristura isurtzen duela begitantzen zait.

Bi nobela labur, eman dio abizen. Nik bakarra aurkitu dut, dotorezi handiko hizkuntzan, baina bakarra. Galdera asko sortu dizkit irakurketak.

Esaterako: Ez dakit Karlos Linazasoro-egilearen bizitzan ote dagoen, Karlos Linazasoro-protagonistaren bizitzan dagoen Karmen. Egia esan ibilbide luzeagoa izan zezakeen pertsonaia iruditu zait Karmen. Karmen da protagonistaren oinarria eta habe nagusienak, esango nuke. Zalantza gelditu zait eta ajendan apuntatu dut galdera. “Esistitzen al da Karmen?”. Eta Karmenik baldin bada, zelan hartuko zuen bere agerraldiak, eleberrian zehar egiten dituen agerraldiak?

Karlos Linazasoro-protagonistak egiten dituen aitorpenak bereak dira, pertsonaiari dagozkionak, asmatutakoak ala zer? Egia esan apur bat nahasi nau protagonistak eta egileak izen-abizen berberak eramatea. Azkenean autobiografia moduan irakurtzea erabaki dut. Baina amaieran ez zait iruditu autobiografia moduan irakurri behar nuenik eta atzera irakurri dut liburua. Karlos Linazasoro esaten duen horretan beste izen-abizen bat eman diot. Patxi Anton. Inguruan nituenei izen bana eskatu eta horrela sortu da. Argiago irakurri dut, zalantza izpirik barik.

Gustatu zaidan esaldiarekin amaitu nahi nuke… eta karramarroa balitz aurreraka dabilen izaki bakarra?

Azken kritikak

Nola esaten zaio agur ama bati
Uxue Razkin

Peru Iparragirre

Mari-alderrai
Colette

Aritz Galarraga

Erreplika
Maialen Berasategi Catalan

Ibon Egaña

Hegal egiten
Eneko Bidegain

Mikel Asurmendi

Sorbatza
Markel Sanchez

Asier Urkiza

Dakigun hori
Garazi Arrula Ruiz

Nagore Fernandez

Ipuinak eta antzezlanak
Lourdes Iriondo

Amaia Alvarez Uria

Ezezagunak trenean... irakurtzen
Miren Billelabeitia

Paloma Rodriguez-Miñambres

Dakigun hori
Garazi Arrula Ruiz

Mikel Asurmendi

Narrugorrik
Ixiar Rozas

Peru Iparragirre

Lera
Castillo Suarez

Maialen Sobrino Lopez

Hezitopia
Nora Salbotx

Joxe Aldasoro

Atzerakarga
Fermin Etxegoien

Asier Urkiza

Manifestu filosofikoa
Agustin Arrieta Urtizberea

Aritz Pardina Herrero

Artxiboa

2026(e)ko azaroa

2026(e)ko urria

2026(e)ko iraila

2026(e)ko abuztua

2026(e)ko uztaila

2026(e)ko ekaina

2026(e)ko maiatza

2026(e)ko apirila

2026(e)ko martxoa

2026(e)ko otsaila

2026(e)ko urtarrila

2026(e)ko

Hedabideak