kritiken hemeroteka

8.288 kritika

« | »

Xake mate / Alberto Ladron Arana / Elkar, 2002

Harritzen eta gatibatzen gaituen istorioa Mikel Asurmendi / Irunero, 2003-03

Ale honetara ekarri dugun idazlea orain bi urte ezaguna egin zen Irunen nahiz “Irunero”n. Irun Hiria Literatur saria irabazi zuen “Itzalaren baitan” eleberriarekin. Orain gutxi berriz, Alberto Ladron Arana idazle iruindarra ezagutzeko parada izan dugu. Oraingo honetan, I. Augustin Zubikarai nobela laburren sariaren karietara. Berau irabazi batzuen Xake Mate eleberriarekin.

“Itzalaren baitan” eleberria aipatu dut, eta berau hizpide izan nahi nuke hitz laburrean. Eleberri mardula da, ia 500 orrialde biltzen dituena. Eleberri magikotzat joa da, eta testu moderno batez paratua. “Itzalaren baitan” eleberriak Irun saria jaso zuenean, bere epaileek irudimena aberatsa eta ahapaldi egokiez idatzia zela azpimarratu zuten.

“Xake Mate” dugu bere bigarren eleberria, aurrenekoarekiko ezberdina. Honakoa hau gainera, nobela laburra da. II. Mundu Gerra ondorengo Alemanian kokatua. Eleberria eraikitzeko bi dira elementurik funtsezkoak: xakea eta heriotza. Xakea borroka da, gerra alegia. Gerra heriotza da. Bizirik jarraitzeko borroka egin behar da, alabaina.

Eleberria Xake jokoaren logika eta mugimenduen arabera eraikia da. Maximilian izeneko plaza batean kokatua, Alemanian dela jakinda ere, edozein hiri edo herrian egon litekeena. Plazaren bi aldetan —Xake jokoaren iradokigarri— elkarren aurka ohi diren jende-osteak ari dira. Horien artean, izenik gabeko protagonista ari da. Mutil gaztea, gerrak elbarri utzia, lotsatia eta uzkurra. Peoia, gerraren rolean.

Borroka eta gerra bizitzaren isla izanagatik, protagonista peoia izanagatik, ondorio bat erakusten digu eleberiak: “aurrera egin dezakegu baldin eta zure aukerak ongi baliatzen baditugu eta egoerari egokitzen asmatzen badugu”.

Eleberria baina ez da bizitzari buruzko irakaspen-dekalogoa. Ezta urrik ere. Liburua literatur emaitza polita da, eleberri gisa paratua, tempoa egokiro harilkatzen lortzen duena. Eleberri batek behar dituen dohainak biltzen ditu. Bat aipatzearren: irakurlea harritzen daki. Hots, irakurleok espero ez duguna gertatzen da, eta horregatik harritzen eta gatibatzen gaitu.

Gure literatur plazara etorri berri den idazle bat, ongi egokitua alajaina!

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak