kritiken hemeroteka

8.280 kritika

« | »

Ultramorea / Nancy Huston (Jon Muñoz) / Alberdania, 2012

Heldu bilakatzea Javier Rojo / El Correo, 2012-07-07

Argitaratu berri zaigu Nancy Huston idazle kanadarrak idatzitako nobelatxo bat, euskal bertsioan Ultramorea izenburua duena. Istorioaren protagonista hamahiru urteko neskato bat da, Lucy izenekoa. Neskato honek bere urtebetetze egunean egunkari bat idaztea erabaki du. Nobelaren testuan neskatoak hiru hilabete eta erdian idatzi dituenak azaltzen dira. Neskaren inguruan pobrezia nagusi da. Izan ere, gertakariak 1936an kokaturik daude, eta 29ko krisiaren ondorioei neskaren familia bizi deneko eskualdean zabaldu den lehorraldia gaineratu behar zaie. Pertsonaia helduek, batez ere Lucyren amak, behin eta berriro gogoratzen dituzte hobeto bizi zireneko garaiak, baina neskatoak ez dauka horri buruzko kontzientzia argirik. Bestalde, aita artzain protestantea da, pobrezian ere eskuzabala izan nani duena, aldez edo moldez pobrezia partekatu behar dela pentsatzen baitu, eta erlijioa bizitzaren erdigunean jartzen du.

Askotan familiaren etxean alderrai ibiltzen diren pertsona galduek aurkitzen dute aterpe eta, halako batean, Bernard Beauchemin izeneko sendagilea hartuko dute bertan. Argumentuaren hari nagusiak hauexek direlarik, ez dugu ahaztu behar testua hamahiru urteko neskato batek idatzitako egunkaria izango balitz bezala aurkezten dela. Eta hain zuzen egunkariaren fikzio horretan erakusten den ikuspuntuan nobelaren osagairik garrantzitsuena aurkitzen dugu. Lucy neskatoa bere kabuz pentsatzen hasten da eta hainbat gauzari buruz bere iritzia, ingenuo xamarra baina berezia, erakusten du.

Erlijioa da bere kezka nagusietako bat, zeren neskak ezin baitu ulertu gizakien sufrimenduen aurrean Jainkoak erakusten duen ardura eza. Neskatoaren ustez, Jainkoari, existituz gero, bost axola zaizkio gizakiak eta hauei gertatzen zaizkienak. Eta iritzi hau osatuz doan bitartean, familiaren erlijiotasunarekin egingo du nolabaiteko talka. Neskaren duda hauez gaitera, Bernard Beaucheminek (deitura sinbolikoa dela ematen du) datorkion eragina agertzen da.

Mediku honek neskatoari heldua izango balitz bezala hitz egiten dio, eta munduan pentsatzeko beste modu batzuk ere badaudela erakusten dio.

Heldu bilakatze prozesua kontatzen zaigun nerabeentzako nobela baten aurrean gaude, eta, pertsonaia heldu bilakatzen den bitartean, bere jarrera kritikoa nabamenduko da. Edonola ere, protagonistak inguruarekin erakusten duen jarrera kritikoan idazlearen eskua nabarmenegia dela iruditu zait.

Azken kritikak

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Zakur zaunkak
Iñaki Irazu

Hasier Rekondo

Bufalo guztiak
Juanra Madariaga

Paloma Rodriguez-Miñambres

Independentzien eguzkiak
Ahmadou Kourouma

Jon Jimenez

Zirriborroak eta gero
Askoren artean

Asier Urkiza

Zirriborroak eta gero
Askoren artean

Amaia Alvarez Uria

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak