susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ikarak eta edertasuna | Sakoneko errealitatea »

Ahardikeriak / Marie Darrieussecq (Joxan Elosegi) / Alberdania, 2004

Ahardikeriak Ana Unanue / Aizu!, 2005-02

Istorioa: lurrin-denda batean lan egiten duen neska bat zerri-eme edo ahardi nola bihurtzen den kontatzen du liburuak. Neska protagonista dendako bezeroekin prostituitzen da, baina, itxuraz, ez dauka horren kontzientziarik. Liburuaren ardatz den metamorfosiaren inguruan hainbat sarraski eta izugarrikeria gertatzen dira.

Emaitza: liburu bitxia, erraz irakurri eta are errazago ahazten dena. Ni behintzat hotz samar utzi nau Marie Darrieussecq baionesaren aurreneko eleberriak. Liburuak sekulako arrakasta lortu zuen Frantzian: 600.000 aletik gora saldu zituen eta dagoeneko 45 hizkuntzatara itzuli dute. Neurri horretako arrakastaren arrazoiak soziologoek azaldu beharko dituzte, liburua irakurrita nekez ulertzen baita. Hasierak jakin-mina pizten du, neska protagonistaren ahots xalo eta inozoak zerbait ona iragartzen du, baina dena promesa hutsean gelditzen da, pertsonaia groteskoak eta gertaera absurduak ugaritu ahala kontakizunak galdu egiten duelako. Edo agian ni naiz galdu naizen bakarra, zenbaitek “gaur egungo gizarte kontsumistaren eta botere egituren fabula gordina” antzeman baitute istorioaren atzean, eta egon da manifestu feministatzat hartu duenik ere.