kritiken hemeroteka

8.288 kritika

« | »

Vladimir / Koldo Izagirre / Txalaparta, 2003

Portua Felipe Juaristi / El Diario Vasco, 2004-01-30

Ez da lehen aldiz argitaratzen dena liburua. Lehenago ere itxura txikixeagoan argia ikusi zuen, liburuek argia ez ezik, iluna ere ikusten baitute; liburuak beren bizitzetan zeresana edukita isiltzera kondenatu zituzten gizon-emakume guztien arima erratuak baitira, paperetara bihurtuak, beste batzuk zaborretara bihurtzen diren bezala, beren bizitza lurrean, unibertsoan edo dena delakoan, zabortegikoa izan baitzen, eta ez dut inor aipatu nahi ez azaletik ez azpitik. Vladimir nostalgiaz jotako eleberria da, eta edizio honetan, egilearen argazkiekin apailatua baitator, oparitxoa ere bai. Itsasoak dakarren oparia, jakina, halaxe da portuetako bizimodua, beti esperoan, olatu zintzoek zer ekarriko, benturaz, zoriona ekarriko ote, esperantza apur bat, ala bestela zoritxar gaiztoa. Dena baitago itsasoaren baitan, baita iraultza ere, Potemkinekoek aski frogatu zuten bezala, eta Koldo Izagirrek gogorarazten digun bezala, argazki eta guzti. Portua, itsasoa, itsasontziak, urpekuntziak (Non dago Basques’ Harbour), aspaldi gelditu ginen porturik gabe, tovarich; orain jolas-tokiak ditugu, kirol-guneak, kai elegante eta txukunak, itsasoan itsas usainik gabekoak, arrain kirats gabeak, garbiak, netoak. Horiek dira pertsonaiak, ez mutuak, ez isilak, ez gorrak, ez lorrak, ez sorrak. Beren sentimenduak dituzte, eta umeei, kaian jolasean dabiltzan umeei, sentimendu horiek kutsarazten dizkiete. Sentimendua gripe baino kutsagarriagoa baita. Ametsa esatea ahaztu zait, edo, beste izenez, fantasia, irudimenaren zaldi gain arrapaladan doan fantasia. Izar gorria ikusi eta burua Errusiaraino eramaterainokoa behintzat bai. Vladimir haurtzaroko sinboloa da, gogorazioa, zer ez zen izan, eta zer izatea nahi zuen narratzaileak, idazleak, apika, atika, harrika. Gerra zibila, gure idazleek modan jarri duten gerra zibila, eta aitzakiak franko dira, edo frankokoak, gerra horretaz idazteko, beste gerraz, bestelako gerra islaz, azpitik jokatzen denaz, ahazteko baliagarri. Baina Vladimir, ariketa baino gehiago da, testu landua, non esaldi bakoitza neurtuta dagoen. Maitagarria egiten da.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak