« Apur bat sikiera. Amiñi bat bederen | Hitza lehengai »
Mundu zitalaren kontra / Lizar Begoña / Elkar, 2024
Aktualitate zaharra Jon Martin-Etxebeste / El Diario Vasco, 2024-05-18
Metro karratu gutxiko barrutian bizitza osoa kabitu liteke. Pilarrek Benidormeko lehen kioskoa zabaldu zenetik bertan lan egin du Doloresekin batera. Hiria hazten, apaintzen eta ajatzen joan da kioskoaren bueltan. Beti lankide izan duen ahizpa zaharrena, Dolores, mendekotasun egoeran dago eta ahizpa gazteak bere kargu hartu du bere zaintza; horretarako haren ordutegia kubrituko duen pertsona bat kontratatu behar izan du. Hain zuzen ere, gazte hori da liburuko bigarren protagonista: bere buruari ihesi dabilen gazte bat. Talaia bera izanagatik, begiraden arteko kontrastea bistakoa da; bakoitzak bere zauriak eta aurreiritziak ditu eta egoerei aurre egiteko jarrera propioa. Benidormeko ekosistema saturatuan eguzkiak eta alkoholak, jubilatuek eta LSDak, literaturako klasikoek eta Cuore-ek bat egiten dute eta txoriak begiztatzera doan zaleak bere burua kamuflatzen duen gisa ezkutatzen dira kioskoan lanean dihardutenen begiak. Turistek konkistatutako territorio afrusa barrura begiratzeko desleku pribilegiatua da.
Espazioari dagokionez, bi metro karratuan kokatzen da eleberria (“biak barruan sartuta, ez gara kabitzen kasik”) eta bi mundu ikuskerak gurutzatzen dira, txandaka. Elkar nekez uler dezaketen bi belaunaldiren hitzik gabeko talka ageri da. Horren erakusgarri da idazkera ere. Idazleak maisuki nahasten ditu eta sare sozialetako erreferentziak. Horren adibide ederra da “Mezua ezabatu da” ipuina.
Eleberria kronologikoki kontatua dago; udako hiru hilabete kontatzen ditu, eta kapitulu bakoitzak bederatzi ipuin ditu. Aro beilegia eta Gepardo japoniarrak liburuetako poesien ostean, eleberrirako zubia zeharkatu du Lizar Begoñak. XXV. Igartza saria irabazi zuen eta haren emaitza da esku artean duguna. Eguzki galdatan egonagatik guardasola ere eskaintzen duen liburua.
Francesco Pasqualeren bosgarren arima
Unai Elorriaga
Joxe Aldasoro
Lanbroa
Pello Lizarralde
Mikel Asurmendi
Sorginak, emaginak eta erizainak
Barbara Ehrenreich / Deirdre English
Ainhoa Aldazabal Gallastegui
Ez naiz ondo akordatzen
Karlos Linazasoro
Mikel Asurmendi
Gerezi-denbora
Montserrat Roig
Amaia Alvarez Uria
Presbiziak lagundu omen digu
Edu Zelaieta
Mikel Asurmendi
Itsaso amniotikoa
Oihane Jaka
Aitor Francos
Itzulpena-Traducción
Angel Erro
Jon Jimenez
Itzulpena-Traducción
Angel Erro
Asier Urkiza
Maitasuna eta dirua, sexua eta heriotza
Mckenzie Wark
Nagore Fernandez
Fiesta: Eguzkia jaikitzen da
Ernest Hemingway
Aritz Galarraga
Biharraren hegietan
Maddi Sarasua Laskarai
Maddi Galdos Areta
Gaueko azken expressoa
Eneko Aizpurua
Aiora Sampedro
Aingeruak eta neskameak
June Fernandez
Ibon Egaña