kritiken hemeroteka

8.280 kritika

« | »

Bar Gloria / Nerea Ibarzabal Salegi / Susa, 2022

Idi adarmotza Jon Martin-Etxebeste / El Diario Vasco, 2022-09-17

Ardo gorri basoak barraren amildegira jauzi egitea erabaki du eta lurrean lehertu da. Zerrautsez estali dituzte istripuaren arrastoak; baina ziur badela, hor zehar, kristal zatiren bat… Ongi etorri Bar Gloriara. Taberna erraldoi honen gidari dira lopetegitarrak eta haiekin zerbitzari lanetan ibiltzen den Mikel, zeina sendiaren parte bihurtu den kasik denboraren poderioz. Komunitate honen konstelazioa aztertzeko aitzakia da eleberri hau. Bi ahizpek aktiboki parte hartzen dute zerbitzari lanetan, baina izaera kontrajarria dute: Ana da dena zuzen egiten duen kidea, baina familiarengandik eta tabernatik aldentzen saiatuko da ahal duen bezain pronto. Rakelek, berriz, ez du ihesbiderik. Ez ditu gauzak bere ahizpak bezain txukun egiten eta harekin aldera dezaten kondenaturik dago, bere aitaren begien aurrean batez ere. Aitak, Patxik, Rakelen bidea zuzendu nahi luke, baina ez daki alabarekin komunikatzen. Idiekin, ordea, ondo moldatzen da, eta haiei eskaintzen die alabari ukatzen dion mimoa. Ama, Bizenta, gertatzen den guztiaren konplize isila da. Hainbeste, ezen hil eta hainbat urtera bere nitxotik ateratzen dutenean bere gorpua ez baita usteldu. Beti hor, beti geldi eta isilik. Tabernatik kanpoko gertaerak eta bilkurak parrandaren edo gaixoaldiari lotuta daude, eta, haietan ere, konstelazioa ez da guztiz desegingo.

Denboran aurrera eta atzera egiten du eleberriak, baina giroa beti da duela hainbat urtetakoa, zoko usaina darion herri txiki batekoa. Gertakizun daudenak maisuki aurreikusten ditu Ibarzabalek tabernako elementuetatik abiatutako metaforen bitartez. Alkoholari kateatutako sendia marrazten du Ibarzabalek. Idi probak, txikiteroak, amantal koipetsuak, arbasoen bizitza errepikatzera kondenaturik dauden pertsonaiak, desira ezkutuak eta ezkutuko erasoak… Giro tradizionalaren eta egungoaren arteko talka ikusgarria sustatzen du idazleak 27 kapitulu laburren bidez.

Azken kritikak

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Zakur zaunkak
Iñaki Irazu

Hasier Rekondo

Bufalo guztiak
Juanra Madariaga

Paloma Rodriguez-Miñambres

Independentzien eguzkiak
Ahmadou Kourouma

Jon Jimenez

Zirriborroak eta gero
Askoren artean

Asier Urkiza

Zirriborroak eta gero
Askoren artean

Amaia Alvarez Uria

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak