susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Oharkabean bizitako bizitzak | Duela hogei urte »

Tene lehiaketa 2003 / Askoren artean / Elkar / Debako Udala, 2003

Tene lehiaketa Javier Rojo / El Correo, 2003-08-20

Debako Udalak urtero antolatzen duen Tene Mujika lehiaketaren azken edizioko irabazleen ipuinak agertu dira “Tene lehiaketa 2003” izena duen liburuan. Saria ezaguna izanik, bertan aurkezten diren ipuinek euskal literaturaren benetako mailaren irudia eman dezakete. Izan ere, literatura gustuko duten aldizkako idazle helduekin batera, idazleak izatea gustatuko litzaiekeen gazteak dira ipuinen egileak. Honelako liburu batean denetakoa dago, tragedia eta umorea, biak, aurki baititzake irakurleak. Idazle nagusien eskutik: Bosniako gerra gogoratzen duen istorioa (Xabier Artola Zubillagaren “Tximeletaren irria”, lehen sariaren irabazlea; bide batez, esan dezadan Jugoslaviakoa, antza, belaunaldi oso baten gerra mitikoa bihurtzen ari dela); Ipar Irlanda eta bortizkeria politikoaz aritzen dena (Josu Jimenez Maiaren “Séan MacSwineyren balada”, bigarren saria); herriaren aldaketen berri ematen duena, eraikinak pertsonaia bihurturik (Jokin Lasaren “Elkarrizketa isila”). Eta idazle gazteek sinatuta: Goiatz Labandibarren “Charlieren maitalea” izenekoa, non familia xelebre baten istorioa kontatzen den (istoriorik dibertigarriena, nire ustez); eta Nerea Uriaren “Udaberri berriak”, asmo onez beteriko adiskidetasunaren apologia bat.