kritiken hemeroteka

8.001 kritika

Azken kritikak

« | »

M ama* eme* ume* / Erika Lagoma / Estitxu Fernandez / Elkar, 2022

Mama, mami, mamu Jon Martin-Etxebeste / El Correo, 2022-06-18

Amatasunak irauli egiten du emakumezkoen bizitza. Ama bakarra dagoela esan ohi da, baina ama adina ama izateko modu badira: ohi baino zaharrago ama izatea erabakitzen dutenak, ama izatea inoiz erabaki ez zutenak, adopzioko haurrak dituzten amaordeak, bikotekidea erditu arren ama direnak… Liburuak dena jartzen du zalantzan. Haurren zaintza lanak (eta, bide batez, helduena eta zaharrena) nola egiten diren jabetzeko edo alternatibak ezagutzeko aukera eskaintzen du. Norbanakoek, komunitateak eta zerbitzu publikoek zaintza lana zein puntutaraino partekatu eta banatu beharko luketen kuestionatzen du. Egungo ongizateak zaintza zenbateraino erraztu duen aipatzen du, baina sistema kapitalistaren erritmoek eta estutasunek norbanakoak nola estutzen dituen ere salatzen du. Elkarrizketatutako ama batzuek diote feminista izatea eta ama izatea batzuetan gatazka eta kontraesan iturri izan zaiela. Jendartean amatasunaren instituzioari lotutako betebeharrak zeintzuk diren seinalatzen da liburuan eta norbanako gisa zenbateraino juzgatuak izan diren ere azpimarratzen du. Haur baten etorrerak bikote harremanetan eragiten duen lurrikaraz ere hitz egiten da, eta mintzagai dira biolentzia obszetrikoa, edoskitzea, eta sexualitatea ere.

Tene Mujika saria irabazi zuten iaz Lagomak eta Fernandezek, eta hau izan da haien ikerketaren emaitza. June Fernandezen sarrera interesgarri bat dakar liburuak, epilogo bat, eta amatasunarekin lotutako bibliografia interesgarria; eta, tartean, lanaren mamia: 13 laguni egindako elkarrizketak. Mimoz eta mamiz, eta doitasun zientifikoz, egindako liburua da lesakarrena. Liburu inspiratzailea da, inondik ere, guraso direnentzat edo izateko asmoa dutenentzat. Konplizitateak eraikitzeko eta inertziak deseraikitzeko ezinbesteko altxorra.

Azken kritikak

Lagun minak
Jon Benito

Asier Urkiza

Ene anaia femeninoa
Marina Tsvetaieva

Nagore Fernandez

Analfabetoa idazle
Agota Kristof

Ainhoa Aldazabal Gallastegui

Erradikalak
Ane Labaka Mayoz / Beatriz Egizabal Ollokiegi

Jon Martin-Etxebeste

Eraikuntzarako materiala
Eider Rodriguez

Mikel Asurmendi

Hotza bazkatzen
Izaskun Igoa Jaimerena

Irati Majuelo

Krakovia
Goizalde Landabaso

Ainhoa Aldazabal Gallastegui

Austerlitz
W.G. Sebald

Hasier Rekondo

M ama* eme* ume*
Erika Lagoma / Estitxu Fernandez

Jon Martin-Etxebeste

Soka
Mikel Gurrea

Nagore Fernandez

Ez erran inori
Maddi Ane Txoperena

Asier Urkiza

39 lore
Amancay Gaztañaga

Amaia Alvarez Uria

Austerlitz
W.G. Sebald

Jon Martin-Etxebeste

Sed quia sua
Iñaki Segurola

Oier Iruretagoiena

Artxiboa

Ekaina 2022

Maiatza 2022

Apirila 2022

Martxoa 2022

Otsaila 2022

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Uztaila 2021

Hedabideak