kritiken hemeroteka

7.979 kritika

Azken kritikak

« | »

Infinitua ihi batean / Irene Vallejo (Fernando Rey) / Pamiela, 2021

Liburuen omenez Paloma Rodriguez-Miñambres / El Diario Vasco, 2022-04-09

Zer etorkizun dute liburuek? Zein da haien xarma? Irene Vallejo erantzun bila abiatzen da saiakera honetan humanitateen aldeko defentsa sutsua eratzen duelarik. Hots, kultura klasikoa apalategietatik atera eta XXI. mendeko gizarte teknologikoan bizirik dagoela adierazten du, erreferente horiek desakralizatuz eta haien garrantzia aldarrikatuz. Liburuen asmakuntza eta bilakaera hari nagusiak izanik, idazleak Grezia, Erroma, eskribauen lanak, liburutegiak, alfabetoaren sorrera eta ahozkotasuna jartzen ditu harremanetan. Vallejok aitortzen du gure iruditeria gehienak ahozkotasunean sortu zirela, eta literatura idatzia elikatzen duela ahozkotasunak. Dena den, ororen gainetik gailentzen da istorioak kontatzearen zaletasuna eta horrekiko maitasuna. Mundua mundu denetik, belaunaldiz belaunaldi igaro diren istorioek eta mitoek bizitzen lagundu gaituzte, ahoz zein idatziz. Alde horretatik, obra honek berretsi egiten du konpromisoa literaturarekin, liburuen bidez irudimenezko mundu magikoetara bidaiatu dezakegulako.

Egileak oso ongi daki irakurlearen arreta harrapatzen. Tonu akademikoa alboratu eta estilo hurbila aukeratuta, erudizioa eta engaiamendu handia erakusten ditu gaiari buruz. Datu historikoez gain, zertzelada autobiografikoak ere ematen ditu, adibidez, amak nola irakurtzen zion txikitan, jakin-mina eta irakurtzeko desioa pitzaraziz. Irakurketa atsegingarria dugu, horrenbestez, esku artean. Nork esan dezake liburuak edo irakurketa desagertzear daudela obra hau irakurri ondoren? Vallejoren saiakerak kontrakoa frogatzen du eta itxaropena eskaintzen digu liburuetan gordetako kontakizunek gizadiaren bizibidean laguntzen jarraituko dutela, gure mundua zabaltzen eta abegi beroa egiten digutelako. Azkenik, euskarazko itzulpenari dagokionez, goraipatu beharra dago Fernando Reyk burutu duen lan bikaina.

Azken kritikak

Austerlitz
W.G. Sebald

Irati Majuelo

Azken etxea
Arantxa Urretabizkaia

Ibon Egaña

Begiak zabalduko zaizkizue
Irati Jimenez

Paloma Rodriguez-Miñambres

Mina hartzeko ere
Juan Luis Zabala

Maddi Galdos Areta

Azken etxea
Arantxa Urretabizkaia

Nagore Fernandez

Liztor mutanteak
Santi Leone

Asier Urkiza

Urtu aurretik
Xabi Borda

Paloma Rodriguez-Miñambres

Gaueko eztabaidak
Agustin Arrieta Urtizberea

Mikel Asurmendi

Mina hartzeko ere
Juan Luis Zabala

Irati Majuelo

Eraikuntzarako materiala
Eider Rodriguez

Amaia Alvarez Uria

Uda betea
Aritz Gorrotxategi

Hasier Rekondo

Analfabetoa
Iñigo Astiz

Mikel Asurmendi

Faith
Lander Garro

Asier Urkiza

Samuel eta Slawo
Karlos Linazasoro

Nagore Fernandez

Artxiboa

Maiatza 2022

Apirila 2022

Martxoa 2022

Otsaila 2022

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Uztaila 2021

Ekaina 2021

Hedabideak