kritiken hemeroteka

7.871 kritika

Azken kritikak

« | »

Sotoan gordeak / Miren Gorrotxategi / Txalaparta, 2020

Upategietako misterioa Jon Martin-Etxebeste / El Diario Vasco, 2021-03-27

Ardoa merke salduko bada, mendemako langileek garesti ordaindu beharko dute. Aldi baterako langileen osasuna zukutzen dute mahastien jabeek haien bezero aberatsek gerora mama gozo hura kopa distiratsuetan dastatu dezaten. Vianako upategietan girotutako nobela beltz honetan klase sozialen arteko talka agerikoa da. Upategiko alaba, Nora, da nobelaren hari-matazaren ertza daramana; bere aitaren heriotzak eramango du, berriz, jaioterrira. Doluan lagun duen Alex bikotekidea, bidaia honi esker, ordura arte gorde dizkion sekretuak susmatzen hasiko. Piezaz pieza misterio zatiak biltzen tematuko da. Ez da informazioa biltzen dabilen bakarra…

Hain zuzen, informazioaren dosifikazioa da eleberri honi balioa eransten diona. Batetik, sekretuak ezkutatzeko premia duten pertsonaiak eta erantzun bila dabiltzanak kontrajartzen ditu; eta, bestetik, hiru denbora-lerrotan banatzen du kontakizuna (1999., 2009. eta 2019. urteetan). Kapitulu bakoitzean hiru urte horietako pasarte bana kontatzen da eta protagonista ezberdinak gorpuzten du lerro bakoitza. Horren ondorioz, liburuaren lehen orrialdeak motelagoak dira. Irakurlea erritmo honetara ohitzen denean, ordea, denbora-lerro bakoitzaren ñabardurak (erreserba, kriantza eta urtekoa) dastatzera ohitzen da eta orrialde bakoitzak hurrengora darama. Telesail baterako aproposa den girotzea osatu du autoreak. Emakumezkoak ditu protagonista, lanari emanak; eta gizonezko pertsonaiak haien esanetara agertu ohi dira. Jokoan dagoena, familiaren ondarea, upategiaren biziraupena bada, mahatsak zapaltzea ez da aski izango Arduytarrentzat. Ikusgarriak dira upategiko sarrera eta haien egongela, baina inork gutxik susmatuko luke zer gordetzen duten sotoan ardoarekin batera… Eta, bistan da, denborak sekretuak lizuntzen ditu.

Azken kritikak

Mamu eratortzeko moduak
Juanjo Olasagarre

Asier Urkiza

Udaberria sutan
Joxemari Iturralde

Nagore Fernandez

Ez dakit zertaz ari zaren
Ana Malagon

Paloma Rodriguez-Miñambres

Nikole bijotzekua
Edorta Jimenez

Mikel Asurmendi

Bihurguneko nasa
Uxue Apaolaza

Irati Majuelo

Euri zitalari esker
Itxaro Borda

Amaia Alvarez Uria

Itzultzeko etorri naiz
Felipe Juaristi

Hasier Rekondo

Ogia eta zirkua
Irati Jimenez

Paloma Rodriguez-Miñambres

Totelak
Fermin Etxegoien

Asier Urkiza

Haragi hosto
Juan Ramon Makuso

Paloma Rodriguez-Miñambres

Ez dakit zertaz ari zaren
Ana Malagon

Txema Arinas

Bihotza negar eta irri
Maryse Conde

Irati Majuelo

Sortaldekoak
Hedoi Etxarte

Igor Estankona

Itzultzeko etorri naiz
Felipe Juaristi

Jose Luis Padron

Artxiboa

Azaroa 2021

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Hedabideak