kritiken hemeroteka

7.497 kritika

Azken kritikak

« | »

Leuropa / Pablo Sastre / Susa, 2002

Leuropa Jon Benito / Beterriko Liburua, 2003-06

Zinemak, literatura egiteko modua aldatu du. Literatura egiteko modua ez ezik, irakurtzeko, begiratzeko, sentitzeko modua aldatu du. Zinemaren eraginez, nobela batek begi erraldoi bat behar du gidari. Begi erraldoi horrek begilerro bat egingo du, perspektiba bat markatuko du, gauzak ikusteko modu bat inposatuko. Postmodernitateak, ispilu hautsiaren metafora erabiliz, errealitate bakar bat baino, norberaren errealitatearen aldeko hautua egin zuen. Ikuspegi ezberdinak behar ziren errealitate bakar bat aberasteko. Ikuspegi ezberdinak behar ziren errealitateak anizteko.

“Leuropa”k lehen aipatutako begirada hori eskaintzen digu. Begirada hori Tximirena da. Inozentea, motxamarra, Sakiren ezkutari garaikidea. Irakurleari gertuko egingo zaion kontalaria da, aitorlea. off-eko ahotsa da Tximirena, eta iragandako gertakari batzuen testigantza nobela hau. Mundu berri baten bila datozen etorkinena, hauek ekartzen dituen kamiolariarena, tratulariena, bizitzak eskaintzen dituen engainuena, traizioena, zoritxarrena; horien guztien testigantza da liburu hau.

Gehiegizko dramarik gabe, gurasokeriarik gabeko lan bat da. Kontrastez betetakoa: paisaien kontrastea, pertsonaiena, konta-moldeena. Guztiak nahasten ditu Pablok: europar garatuak afrikar primitiboekin, mendebaldeko mundu ikuskera, pertsona zoroak, sinpleak, behartsuak eta behartuak. Pertsona bezala amesten, gizaki bezala behar dituen pertsona dira. Pertsonaiak baino pertsonak.

Errealitateari lotutako gaia da. Ahoz kontatzen digu protagonistak, ahozko kontakizunen baliabideak erabiliz. Egungo gertakaririk nagusienetakoa dugu. Literaturak, egungo arazoak, fikzio iheslaririk gabe, melodrama larderiatsurik gabe jorra ditzakeela erakusten du Pablo Sastrek, azken urteotako lanik interesgarrienetako batean. Lurrean paradisuaren lekuko izango zen Europa hura, kupidarik ez dutenen oihana besterik ez dela iradokiz. Begiak eta belarriak behar dituen lana da Pablorena. Oraindik, bankariaren egiek, baztertuenen arrazoia adina balio badu, behintzat.

Azken kritikak

Txipiroiak bere beltzean
Rafa Egiguren

Hasier Rekondo

Zendabalitz
Erika Elizari

Javier Rojo

Zendabalitz
Erika Elizari

Aiora Sampedro

Isiltasun urte luzeak
Francisco Castro

Joannes Jauregi

Bertsoaren harria
Koldo Izagirre

Mikel Asurmendi

Karanbola hirukoitza
Eneritz Artetxe

Amaia Alvarez Uria

Bilduma bat
Sandro Penna

Irati Majuelo

Bilduma bat
Sandro Penna

Igor Estankona

Etxeak eta hilobiak
Bernardo Atxaga

Javier Rojo

Aitaren etxea
Karmele Jaio

Mikel Asurmendi

Izurria
Albert Camus

Txema Arinas

Andrezaharraren manifestua
Mari Luz Esteban

Ibai Atutxa Ordeñana

Hik ez dakik zer den beldurra
Karlos Linazasoro

Aiora Sampedro

Lisboako setioaren historia
Jose Saramago

Joannes Jauregi

Artxiboa

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Hedabideak