kritiken hemeroteka

7.850 kritika

Azken kritikak

« | »

Lo zaudela zabaldu dizkizut begiak / Mikel Etxaburu / Erein, 2016

Mundura jaurtikia Javier Rojo / El Diario Vasco, 2017-03-04

Liburu hau Mikel Etxabururen literatur ibilbidean hirugarren mugarria da, poesiari dagokionean. Gainera, nolabaiteko errekonozimendu instituzionala jaso du liburuak, Blas de Otero – Bilbo Uria poesia lehiaketaren irabazlea izan baitzen. Liburu honetan agertzen diren testuen oinarrian planteamendu existentzialista dagoela esan daiteke. Izan ere, existentzialismoaren inguruan idatzitako literaturan ohikoak diren bi jarrera agertzen zaizkigu poema hauetan. Lehenengo eta behin, bakardadearen sentimendua. Sentimendu honek alderik alde zeharkatzen du. Baina bakardadea ez dugu momentu jakin batean gizakiak pairatzen duen egoera moduan ulertu behar. Bakardadea egoera da, bai, baina kanpoko baldintzek markatzen duten egoera baino gehiago, bakardadea gizakiaren berezko ezaugarria da, bere izaerari dagokion ezaugarria. Berezko ezaugarri horren islak dira azalezko bakardade egoerak. Gizakia berez baitago bakarrik, bakardade hori nolabait gainditzeko ahaleginetan aritzen delarik. Besteekiko harremanak, ordea, gehienetan azalekoegiak izaten dira, eta haiekin sentimendu hori pixka bat leuntzea baino ez da lortzen normalean. Bakardade sentimendu honekin batera existentzialismoa gogora ekartzen duen bigarren osagaia mundura jaurtikia izateko sentsazioa dugu. Gizakia munduan dago. Baina mundu hau arrotz zaio askotan, bertan egokitzea ezinezkoa izango balitzaio bezala. Ingurua arrotz zaio gizakiari, eta inguru horren eta gizakiaren artean lubaki moduko bat altxatzen da. Bakardadearekin bezala, arroztasun sentimendu hau izaerazko ezaugarri moduan ulertu behar dugu, egoera horietan izaera bera islatzen bada ere. Poema hauetan, dena dela, ez da etsipenean jausten. Sentimendu eta sentsazio hauek markatuta, gizakiak begirada barnera biltzen du, kanpoko harrabotsari aurre egin diezaiokeen esentzialaren bila, horixe baita gizakiari dagokion benetako esparrua, non bere burua garatzeko aukera aurki dezakeen.

Azken kritikak

Sortaldekoak
Hedoi Etxarte

Asier Urkiza

Dama
Jon Gerediaga

Nagore Fernandez

Bihotz-begietan
Xabier Lizardi

Igor Estankona

Argiantza
Pello Lizarralde

Jon Martin-Etxebeste

Taxiak ez dira inoiz gelditzen
Xabier Montoia

Txema Arinas

Eskuan beti zerbait
Maialen Berasategi Catalan

Irati Majuelo

Empar Pineda Erdozia: gorputzak hala eskatua
Kattalin Miner

Ainhoa Aldazabal Gallastegui

Zeruko belardiak
John Steinbeck

Hasier Rekondo

Arkanbele kantak
Mikel Taberna

Mikel Asurmendi

Urpean murgildu
Lidia Txukovskaia

Nagore Fernandez

Bertute txikiak
Natalia Ginzburg

Asier Urkiza

Algara mutilatuak
Ane Labaka Mayoz

Maitane Legarreta Etxezarreta

Haragi hosto
Juan Ramon Makuso

Jose Luis Padron

112 poema biziari hegalak jartzeko
Begoña Abad de la Parte

Ainhoa Aldazabal Gallastegui

Artxiboa

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Azaroa 2020

Hedabideak