kritiken hemeroteka

7.730 kritika

Azken kritikak

« | »

Linbotarrak / Asier Serrano / Pamiela, 2016

Ametsak difuminatzean Javier Rojo / El Diario Vasco, 2016-08-27

Asier Serranok idatzitako “Linbotarrak” izenburuko poema liburura hurbiltzen den irakurleak jasotzen duen lehenengo inpresioan irudien indarra nabarmenduko da. Izan ere, poema hauek eraikitzean irudietan oinarritzen den surrealismoak funtsezko garrantzia du. Egia esan, gehienetan ez da muturreko surrealismoa, ahalegin txiki bat eginda irakurleak oraindik ere nabaritu baitezake irudiak lotzen dituzten harietan gutxieneko logika baten hazia. Agian ez ditu beren osotasunean ulertuko hari horien nondik-norakoak, baina gutxienez esperientzia pertsonalaren ondoriozkoak direla ohartuko da. Esperientzia pertsonal zehatz hori zein den, noski, ezin izango du jakin. Honek guztiak liburuari tonu bat ematen dio, lausoa, zehaztugabea. Eta tonu honek bat egiten du, nire ustez, bertan adierazten denarekin, izenburuan agertzen den hitzetik hasita gizakia bi munduren artean kokatuta dagoela azaltzen baita, zehaztu gabeko lurraldean. Gizakiak linbotarrak dira, zerurako baitira baina oraindik bidean daudelarik. Poemetan agertzen diren erreferentziek gizakien ohiko esperientziak dituzte ardatz. Baina lehen aipatutako surrealismo horri esker ohiko esperientzia hori nolabait distortsionatuta agertzen zaigu eta ohikotasunean oinarritzen diren egoerak zehaztugabetasunera hedatzen dira, esperientziaren mugak zabaltzen direlarik. Eta hori gertatzen den bitartean, jarrera batek indarra hartzen duela ikusten dugu, zeren, ironia lagun, poemetan desengainuaz hitz egiten baitzaigu, errealitateak sortzen duen desengainuaz. Gauza jakina da ilusioen garaia atzean gelditzen denean ilusio horietan amestutakoa eta errealitateak erakutsitakoa kontrajartzen direla. Kontrajarpen honetan errealitatearen egoskortasuna agertzen zaigu, hau da, ilusioen garaian irudikatua ez datorrela bat gero errealitatean agertzen denarekin. Eta handik desengainua. Eta egoera honetan gizakiak bizitzari zentzua ideia handietan bilatu beharrean (horien guztien porrota erakusten baitu errealitateak), gauza txikietan, pertsonaletan, aurkitu beharko du. Gizaki modernoaren etsipena islatzen jakin du liburu honek, Xabier Lete III. Poesia Saria irabazi duenak.

Azken kritikak

Isiltasunaz hunatago
Jose Angel Irigaray

Mikel Asurmendi

Bidaia (h)ariketak
Oihane Zuberoa Garmendia Glaria

Igor Estankona

Lilurabera
Yurre Ugarte

Aiora Sampedro

Euskal literatura itzuliaren egiturak eta islak 1975-2015
Miren Ibarluzea

Javier Rojo

Erbesteko gutunak Victor Hugori
Louise Michel

Irati Majuelo

Bihotza nora, zu hara
Susanna Tamaro

Ainhoa Aldazabal Gallastegui

Atezainaren larria penalti-jaurtiketan
Peter Handke

Hasier Rekondo

Panpina
Erika Olaizola

Javier Rojo

Etxeko urak
Leire Bilbao

Nuria Cano

Erle langileen amodioak
Aleksandra Kollontai

Ibai Atutxa Ordeñana

Abaro
Itxaro Borda

Aiora Sampedro

Odolik gabe
Alessandro Baricco

Nagore Fernandez

Atezainaren larria penalti-jaurtiketan
Peter Handke

Javier Rojo

Naparra, kasu irekia
Jon Alonso

Mikel Asurmendi

Artxiboa

Otsaila 2021

Urtarrila 2021

Abendua 2020

Azaroa 2020

Urria 2020

Iraila 2020

Abuztua 2020

Uztaila 2020

Ekaina 2020

Maiatza 2020

Apirila 2020

Martxoa 2020

Hedabideak