kritiken hemeroteka

8.068 kritika

Azken kritikak

« | »

Lehertu da festa / Eneko Aizpurua / Erein, 2016

Ezkutuko trama Javier Rojo / El Diario Vasco, 2016-08-20

Nobela beltzak sinesgarriak izateko irakurleari aurkeztu behar zaizkio bertan kontatzen den guztia ezinbesteko kausalitate kate batean lotuta balego bezala. Kausalitate kate horrek gertakariak batu behar ditu hutsunerik gabe, gertakarien izaerari egokituta. Hau guztia, jakina, ahaztu gabe nobelan kontatzen dena fikziozkoa dela. Irakurleak, beraz, sentitu behar du fikzioan murgiltzen dela, eta argumentua era naturalean garatzen dela. Zer gertatzen da Eneko Aizpuruaren nobelan, “Lehertu da festa” izenburua daukan idazlanean? Bada irakurleari naturala izango balitz bezala aurkeztu beharko litzaiokeen kausalitate kate horren gainean idazlearen eskua agertzen zaigula nabarmen, hari guztiak gidatzen. Argumentua Donostia 2016 Europako Kulturaren Hiriburua izendatzearen haritik zabaltzen da. Badaude arrazoi desberdinengatik izendapen horren aurka aritzen direnak eta itxuraz horietako batzuk edozer egiteko prest daude oztopoak jartzeko, atentatuak eta hilketak burutzea barne. Izan ere, nobelaren hasieran, urte berriaren ospakizunen erdian bonba batek eztanda egin du Tabakalera eraikinean, su-festetara bildutako jende guztiaren aurrean. Atentatuaren arduradun moduan arkitekto famatu baten semea aurkeztu nahi dute, eta mutil hau desagertu delarik, haren aitak ikertzaile pribatu bat kontratatzen du aurki dezan. Hemen nobela beltzetan funtsezkoa den pertsonaia agertzen zaigu, ikertzailea, kasu honetan Mikel Egileor izena duen kazetari ohia eta ikertzaile hasi berria, zinikoa, desengainatua, bizitza pribatu desorekatua daramana. Bere kontaktuei esker, jakingo du azaleko gertakarien atzean beste trama bat ezkutatzen dela eta ahaleginak egingo ditu trama hori argitzeko. Ikerketan ez du inolako arazorik izango tramaren ezkutuko hari guztiak argitzeko, denek oztoporik gabe aitortzen baitiote jakin nahi duena. Eta hauxe da harrigarriena: ikertzaileak botere magikoren bat balu bezala aitortzen dizkiote beste pertsonaiek sekretuak, borondatezko aitorpen horiek gertatu ezean tramak ezkutuan jarraituko zuelarik. Laburbilduta, istorioa dibertigarria izan daiteke, baldin-eta irakurlea zergatika hasten ez bada.

Azken kritikak

Keinura itzuli
Elena Olave

Irati Majuelo

Poema liburu bat ---irakurtzeko jarraibideak---
Angel Erro

Maddi Galdos Areta

Ipuina engainua da
Iban Zaldua

Aitor Francos

Isildutako eskuak
Jon Abril

Aitor Francos

Atsoa
Victor Catala

Nagore Fernandez

Erretzaile damutuen konpainia
Aingeru Epaltza

Asier Urkiza

Borrokalari transgeneroak
Leslie Feinberg

Amaia Alvarez Uria

Berriz zentauro
Katixa Agirre

Ibon Egaña

Amatu
Maite Lopez Las Heras

Mikel Asurmendi

Berriz zentauro
Katixa Agirre

Irati Majuelo

Kale gorriko umeak
Pier Paolo Pasolini

Ibai Atutxa Ordeñana

Berriz zentauro
Katixa Agirre

Jon Martin-Etxebeste

Azken etxea
Arantxa Urretabizkaia

Mikel Asurmendi

Hamahiru ipuin
Luisa Carnes

Asier Urkiza

Artxiboa

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

Hedabideak