susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Denok gara Ahab kapitaina | Rebel Mayo Colorao »

Xake mate / Alberto Ladron Arana / Elkar, 2002

Mendekuzko jokoa Javier Rojo / El Correo, 2002-11-06

Alberto Ladron Arana idazle nafarrak Xake Mate izenburua duen nobela argitaratu du. Bertan kontatzen diren gertakarien markoak mundu berezia osatzen du: Alemaniako hiri zehaztu gabe batean Bigarren Mundu Gerraren ondoren kokatzen du istorioa idazleak. Mundu horretan, biziraupenaren legearen itzalean, pertsonaiak edozer egiteko prest agertzen dira, ausartenak eta eskrupulurik gabekoenek besteen kaltearen gainean lortutako aberatasunerako bideak aurkitzen baitituzte.

Ez dakit kasualitatea ote den, baina gerra ondoko giro batean trafikatzaileen gorabeherak kontatzen dituzten euskal nobela batzuk agertu dira azken hilabete hauetan. Eta guztiek (hau, dena dela, ni naizen irakurle honen zaletasunen isla dateke) aldez edo moldez, Graham Greene ekartzen dute gogora. Toki eta garai horietan kokatu arren, berdin izan liteke beste edozein hiri, beste edozein gerraren ondoren, zehaztu gabea baita. Intrigazko argumentu garatua nahi da. Protagonistak (bere burua peoi huts gisara definitzen duen mutil elbarriak) abian jartzen du mendeku bat eta mendeku hau bere azken ondorioetara era bikain batez helduko da. Bikainegi, ordea, mutilaren indarrak eta posibilitateak kontuan hartuz gero, istorioa benetan sinesgarria izateko.