kritiken hemeroteka

8.496 kritika

« | »

Kapital publikoa / Jose Luis Otamendi / Susa, 2014

Das Kapital Igor Estankona / Deia, 2015-03-14

Liburu batzuek historiaren gurpila azkartzen dute, dena esplikatzen duten sistema itxiak dira. Beste batzuek duda, dardarizoa eta, asko jota, segurantza lauso bat opatzen digute. Bihotzaren filtrotik pasatutako hitzekin, ahotik erori zaizkio Otamendiri euskal herritar modernoaren hitzak. Niaren hezur bizia biltzen duen mami sozialaren ehundura poetikoa. Hala definitu zuen Kapital Publikoa Harkaitz Cano handiak 111 Aldizkarian. Eta ez zaigu otutzen zelan esan ezer gehiago, ezer berririk poetika delikatu eta aiztoa bezain zorrotz honetaz.

Tximeleta eri hura gelan sartu zitzaigunetik, azpeitiarraren mundura sentsazio bikoitzarekin hurreratzen gara: gozatu egingo dugu, triste jarriko gara uneka. Nola daiteke hain klasikoa, eternala eta konbentzionalki ederra izatea bere proposamena, material hain efimeroarekin egina?

Hildakoak, gupida, memoria, esperantza, euskara. Desagertuko dira denak. Zeinen gauza ederrak denak. Eurekin kontaktuan jartzen da bat, eta barruko mamuak direla iruditzen zaio, eta gu ere gandua garela, ura, norabideren bat hartu gura lukeen erreka-adar.

Eta, finean, Otamendik proposatzen diguna ez da bide bat, ibiltzeko modu bat baino. Aurreiritzirik gabe, baina ohartaraziz ez dela bururik makurtu behar: “gabiltzan bideak harrapatu gaitu/ eta ematen du ez gabiltzala ez dela biderik/ gelditasun handi batean/ isilak jan behar gaituela/ gure arrazoiak defenditzen ez dakigula/ ez dakigula azaltzen zergatik garen/ garen bezain setatsu eta ilun”.

Kapital publikoak poesiaren mugak gainditzen ditu, edo hobe, poesia bihurtzen du dena, zapalduaren mikatza eta pribilegiatuaren elkartasuna. Erretorikarik ez dago hemen, ezpada diskurtso luze bat aire gazi-gozokoa eta dotorezia berezko batekoa, hizkuntzaren eta bihotzaren bidezidorren ezagutzak soilik ematen duena.

Otamendik hizkera seguruz hitz egiten digu zalantzaz. Dogmaren kontrako poesia honek gogorarazten digu denok lurrunduko garela, eta enpatia, justiziaren zentzua eta are gupida ere bidaia labur honetan erabili beharreko bertuteak direla. Alegia, moralki izan behar dela bat garaile, beste garaitza guztiak ahaztuak izango dira-eta: “eta berriro bakea erein genuen/ auzoen gerra ezti eta/ geure gezur mikatzen soroetan…/ idatzita baitzegoen/ azkenean batzuk ondo bizi/ eta denok laketu egingo ginela”.

Prosaren eta poesiaren mugetan eta luzatu eta luzatu egiten diren ahapaldien erritmo atseginean galtzeko liburua da hau, inondik ere. Lirikaren oinarrietara itzuli gura duen abangoardia zaharrak oraindik kitzikatu ditzake kontzientziak. Poeta biluzik ageri delako izan daiteke edo, osterantzean, justu kontrakoagatik, surrealismorik handiena delako, hain zuzen, gure zauriez eta herriaren ametsen markez hitzik ez egitea.

Azken kritikak

Zuzi iraxegia
Amaia Alvarez Uria

Ainhoa Aldazabal Gallastegui

O.ten gaztaroa neurtitzetan
Arnaud Oihenart

Gorka Bereziartua Mitxelena

Ez-izan
Jon K. Sanchez

Aiora Sampedro

Pleibak
Miren Amuriza

Jon Jimenez

Ehun zaldi trostan
Ainhoa Urien

Asier Urkiza

Oroi garen oro
Beatriz Chivite

Nagore Fernandez

Jakintzaren arbola
Pio Baroja

Aritz Galarraga

Antropozenoaren nostalgia
Patxi Iturregi

Hasier Rekondo

Francesco Pasqualeren bosgarren arima
Unai Elorriaga

Mikel Asurmendi

Baden Verboten
Iker Aranberri

Paloma Rodriguez-Miñambres

Ezer ez dago utzi nuen lekuan
Itziar Otegi

Mikel Asurmendi

Dolu-egunerokoa
Roland Barthes

Asier Urkiza

Guardasol gorria
Lutxo Egia

Nagore Fernandez

Zero
Aitor Zuberogoitia

Jon Jimenez

Artxiboa

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

2024(e)ko iraila

2024(e)ko abuztua

2024(e)ko uztaila

2024(e)ko ekaina

Hedabideak