kritiken hemeroteka

7.905 kritika

Azken kritikak

« | »

Batzarra Telgten / Günter Grass (Andolin Eguzkitza) / Alberdania, 2002

Gerra artean Felipe Juaristi / El Diario Vasco, 2002-09-01

Seguru asko, izango ditu Günter Grass idazle alemanak liburu ezagunagorik Andolin Eguzkitzak euskarara ekarri duen hau baino, seguro asko, baina gutxi, nire iritziz, hau bezain ederrik, edertasuna hartzen bada zentzu erakitzailean eta ez suntsitzailean; gurean ohi den moduan. Alemanen historiara jo du Grassek gehienetan, bera zer den, alemanak zer diren jakin eta erakusteko. Eta alemanek historia dute: Beste kontua da historia horren lezioak ongi ikasi ote dituzten, izan ere, izugarria da alemanen historia, joan den mendean, batez ere. Historiak erakusten duela egia bada ere, ez da gezurra historia askotan egia estaltzeko, egia gezurtatzeko erabiltzen dela. Historia, gertaera, berez objektiboa den arren, interpretazio askotarako bideak irekitzen ditu, eta interpretazioak, historiak luzatzen dituen galderei buruzko erantzunak, dira historiaren ibilbidea itxi eta ezertarako ez uzten dutenak. Günter Grassek Hogeita Hamar Urteko Gerra hartu du gaitzat. Gerra hori, beste gerra batzuen luzapena izan zen, Holandako probintziak Espainiako Inperioaren aurka izan zuten gerraren luzapena eta orduko Alemania eta Bohemia sutan jarri zituen. Esaten dutenez, Gerra haren ondorioz, Alemaniak Gerra aurretik zuen populazioaren laurdena galdu zuen. Izugarria izan zen benetan halako Gerra hau, Europan geroztik ere izango ziren zenbait gerraren aitzindari eta eredu. Literatura asko eta ona eragin zuen gerrak. Hor dago Grimmelshausen eta bere “Simplicius, Simplicisimus”; hor ditugu hainbat poeta eta antzerkigile, liburuko pertsonaia bihurtuak. Izan ere, Telgten jarri ziren alemanaren oinarriak, gerraren hotsak entzuten ziren garaian. Eta liburua ondo idatziaz gainera, erakusgarri da, denontzat fabulatzat har baitaiteke.

Azken kritikak

Infinitua ihi batean
Irene Vallejo

Ainhoa Aldazabal Gallastegui

Agur, maitea, ikusi arte
Massimo Carlotto

Asier Urkiza

Izurritea
Onintza Enbeita

Nagore Fernandez

Egungo euskal krimen-literatura
Askoren artean

Paloma Rodriguez-Miñambres

Totelak
Fermin Etxegoien

Mikel Asurmendi

Krakovia
Goizalde Landabaso

Irati Majuelo

Faith
Lander Garro

Ibon Egaña

Walden
Henry David Thoreau

Asier Urkiza

Eraikuntzarako materiala
Eider Rodriguez

Nagore Fernandez

Poesia kaiera
Alda Merini

Paloma Rodriguez-Miñambres

Zeruak eta infernuak
J.M. Olaizola "Txiliku"

Mikel Asurmendi

Krakovia
Goizalde Landabaso

Aitor Francos

Dortokaren begirada
Jon Arretxe

Aitor Francos

Bihurguneko nasa
Uxue Apaolaza

Hasier Rekondo

Artxiboa

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Hedabideak