susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Idazleen baitako Scheherezade | Mise en abyme »

Jauzika / Bixente Serrano Izko / Pamiela, 2010

Dogmaren aurka Felipe Juaristi / El Diario Vasco, 2010-09-24

Kontu asko dakartza Serrano Izkok liburu honetan. Testu laburrak aukeratu ditu oraingoan. Laburtasuna sakontasunaren lagun izan ohi da; baina sakontasuna ez da beti laburra izan ohi. Aforismoak, ordea, laburtasuna eta sakontasuna batera biltzen ditu. Dena dela, kontraesana dirudi aforismoak hain aforo txikia izatea; baina halaxe dira kontuak.

Aforismo politikoak dira gehienak, jauzika bezala azaltzen zaizkigunak, gai batetik bestera, pentsamendu batetik bestera. Tradizio ezagun bateko jarraitzaile da beraz. Nietzcherentzat filosofia mailuka aritzea zen; bortizki jo beharra zegoen burmuinetan, esna zitezen eta atera zezaten argi pixka bat. Argia beharrezkoa baitzaigu, hainbesteko iluntasunean.

Serrano Izkoren aforismo hauek kritikoak dira. Badu sail bat akritizismoaren aurkari. Kritikoen kritika egiten du, gure ?”gerratxo?”aren inguruan. ?”Berunezko garunek zer zorroztasuna ote, balena ez bada??”. Hitz jokoa, zorroztasuna eta sakontasuna biltzen dira esaldi horretan. Ez da klase horretako bakarra. “Arima, bai, badute armek. Bihotza da ez dutena?”.

Jauzika, ordea, bestelako gaiak ere badatoz: justiziaren furiak, pentsalarien desertzioa, txitxarren hegoak, besteak beste. “Mendekuzko justizia, denok menderatzeko gutizia?”. ?”Jakinduria handiarekin jokatu zuten ezagutzaren aurka?”.

Munduan ba-

Munduaren barrena kritika eta kritikoak desagertuz doazela esaten digu, eta begi bistakoa da. Baina esate hori jostalaria da, erabat ludikoa. Dogmak ere nagusitzen ari zaizkigun honetan, pozgarria da dogmen aurkako pentsamendu saltokaria azaltzea. Mugitzeak, jauzika bada ere, libre izateko bidea irekitzen du.