susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Xabier Leteren oihartzunak | Giza-gatazkak, gerra-garaian »

Arkitektoa / Txema Garcia-Viana / BBK-Euskaltzaindia, 2007

Saski-naskia Javier Rojo / El Correo, 2007-10-03

Txema Garcia-Viana nobela historikoa idazteko tentazioan erori da “Arkitektoa” izeneko liburuarekin. XIII mendean kokatuta dago argumentua. Donostian hain zuzen, idazleak planteatzen duen moduan aldaketa eta konflikto garaian, hirian euskaldunak alde batetik eta gaztelauak bestaldetik harremana orekatsuak lortu ezinik dabiltzalarik, Gipuzkoa Nafarroaren eraginpean egotetik Gaztelaren eraginpera pasatua baita. Testuinguru honetan Gonzalo de Motilla izeneko pertsonaiak hartzen du bere gain istorioa kontatzeko ardura. Pertsonaia hau arkitektoa da eta Donostiara dator eliza bat eraikitzeko asmoz, eta lehenengo pertsonan kontatuko du zer gertatu zitzaion hirian. Nobelan denetarik aurkitzen dugu: fraide konspiratzaileak, izurriteak jotako itsasontzi misteriotsuak, heriotza bati buruzko ikerketa poliziakoa, matxinadak… Hainbeste osagai edukita, argumentua ezusterik ezuste ibiltzen da, ezuste gehienek funts handirik ez dutelarik. Izan ere, idazlea nobelan gauza gehiegi sartzen saiatu da eta arazoak izan ditu hainbeste osagairen artean argumentuaren koherentzia gordetzeko, dena eduki nahirik azkenean istorioa topikoen saski-naski korapilatsua besterik ez baita.