susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Bide barrijak | Ondo idazteko bidean »

Bide barrijak / Lauaxeta / Verdes Atxirika, 1931

Bide berriak Larreko / Argia, 1932-01-17

Berriki, euskar idazle batzuek, jakintsuenetarik jakiña; euskara edertu bearrez eta beste izkuntza landuenen mallara gurea urbildu naiez, euskar lan apañak argitaldu dituzte.

Delako bide berrietatik barna ibiliz, euskarak egiten du bide, (bide egin = progresar) aspaldiko nere ustea, ustela izanen da.

Uste bai nuen euskaraz banekiala; ¡ene biozminaren andia, euskar-lan berri oriek ezin ongi aditu ditudalako!

Neure burua, euskar letraduntzat nauakalarik, una non, ezin aditu ditudala orai berriki agertu diren eta agertzen diren euskar lan apañenak.

¡Ainbeste urtetan euskaraz ikasten eta orain argituenekin euskaraz elkar ezin aditu!

Baiki; adinean arat juana naiz, baño uste nuen adimen aski argi irauten zidala euskaldun argituenak aditzeko.

Zorigaitzez, ala ez delarik: ¿zer egin?

Bide berriak ikasteko zaarregi eta bide berrietan barna ibiltzeko ez dutela euskaldun zaarren bearrik izanen.

Euskar idazti zaarretan eta euskaldun utsengatik uste nuen euskara garbiena ikasiko nuela, baño ori ez bide da aski; bide berriak egiten ari dire eta guk ez jakinki bide berri orietan barna ibiltzen!

¡Nor baninde ni; otoiztuko nituen, aspalditik euskar idazle oberenen sailan ditugunak, arazo untarik mintza daizten!

Uste nuen eta… orañik uste dut, egia dela Abbadie jaun zenak, ziona:

“Liburuak on dituk aurra; bainan eskuararen ikasteko bego nausi jende xehea”.