kritiken hemeroteka

8.020 kritika

Azken kritikak

« | »

Hamaika ipuin / Juan Martin Elexpuru / Elkarlanean, 2000

Mende erdia ipuinetan Javier Rojo / Ipar Atea, 2001

Juan Martin Elexpururen kontakizun batzuk biltzen dira Hamaika ipuin izeneko liburu honetan. Istorio hauek, argumentuaren aldetik elkarrekin zerikusirik ez dutela diruditen arren, azken urteotako kronika moduko bat erakusten digute. Lehenengo istorioak gerra zibilaren inguruko garaian koka daitezkeelarik, istorioen gertagaraiak gero eta hurbilago egongo dira, eskuko telefonoaren belaunaldiraino heldu arte. Etorkizunerako proiekzio antzeko bat ere egiten da zientzia fikzio espekulatiboaren parametroetan, mundu ia faxista baten aurkezpena eginez. Garaiak, eta ondorioz, munduak hain desberdinak izanik, halakoak izango dira kontamoldeak ere. Denboraz urrunago dauden istorioak askotan ahozko kondagintzatik hartutako osagaiz horniturik daude. Izan ere, zenbait istorio ahots ozenez irakurrita izateko idatzita daude, hotsak
entzuteko, eta ez letrak ikusteko. Gertagaraia guregandik hurbilago dagoen neurrian, horrelako kontalmoldeak alde batera uzten dira. Aldaketa honetan, kontamoldea gaiari egokitze hutsaz gain, esanahi sinbolikoren bat aurki liteke. Izan ere, euskal mundua, ahozkotasunean oinarritutako kultura batetik (mundu tradizional batekin lotuta dagoena) beste batera pasatu da, eskuko telefonoaren ahozko inkomunikaziora, hain zuzen, edota beste hitzetan esanda, ahozkotasuna galdu duen ahozko komunikazio hutsera. Hiru gai nabarmentzen dira istorio hauetan: gerrarekin lotuta dauden istorioak, edozein gerratan jende arruntaren sufrimendua azpimarratzen dutenak; bikote-harremanak kontatzen dituztenak; eta gizartearen zenbait alderdi kritikatzen dituztenak, askotan era sarkastiko eta mingotsean kritikatu ere. Ikus daitekeenez, ipuinak oso desberdinak dira, hala gaiez nola kontamoldez. Aukera zabal honek bidea ematen du irakurle guztiek gustoko istorioren bat aurki dezaten, baina, bestaldetik, desorekapuntu bat ere ematen dio liburu interesgarri honi.

Azken kritikak

Kandelikara
Harkaitz Cano

Peru Iparragirre

Zoonomia
Nerea Arrien

Paloma Rodriguez-Miñambres

Itzalen distira
Arrate Egaña

Hasier Rekondo

Ene anaia femeninoa
Marina Tsvetaieva

Amets Iriarte

Zoonomia
Nerea Arrien

Maddi Galdos Areta

Ekaitza eta beste 34 ipuin
Kate Chopin

Paloma Rodriguez-Miñambres

Haragi hosto
Juan Ramon Makuso

Mikel Asurmendi

Azken etxea
Arantxa Urretabizkaia

Amaia Alvarez Uria

Mina hartzeko ere
Juan Luis Zabala

Paloma Rodriguez-Miñambres

Gezurra berdaderoa
Bertol Arrieta

Pako Aristi

Uda betea
Aritz Gorrotxategi

Jose Luis Padron

Basairisa
Louise Gluck

Aitor Francos

Sortaldekoak
Hedoi Etxarte

Mikel Asurmendi

Lagun minak
Jon Benito

Asier Urkiza

Artxiboa

Uztaila 2022

Ekaina 2022

Maiatza 2022

Apirila 2022

Martxoa 2022

Otsaila 2022

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Hedabideak