kritiken hemeroteka

8.335 kritika

« | »

Kristalezko bularrak / Pablo Sastre / Susa, 1990

Errealismo berriaren bila Edorta Jimenez / Argia, 1990-12-16

Mugarriak ezartzea deitua izan zen Pablo Sastre gaztea euskal literaturara. Urte gutxiren buruan liburu sorta ederra zuen kaleraturik gazte hark. Bestalde, aldizkari honetan beronetan zein egunkari eta kazetetan idatzi izan du langile nekaezin honek.

Prentsan eta literatura aldizkarieran argitaratzen etengabe idazten segitu badu ere, bost urte eman ditu Pablo Sastrek libururik kaleratu gabe. Tarte luzetxo honetan ausnartu behar izan dituenak, egin bide dituen gogoetak, ez dakizkit nik. Ematen didanez, berriz, sakonak eta gogorrak izan dira. Fruitua inoiz eman dizkigun hoberena da. Heldutasuna du liburu honek.

“Kristalezko bularrak” izeneko liburu honek burura ekarri didana adierazteko izen bakarra aipatu behar baneza, hara hor Raymond Carver. Europako hemeretzigarren gizaldiko maisuengandik oraintsuko amerikarraren bidera etorri da; mimesira makurtu gabe, ordea. Liburua eskuartean hartu eta atoan antzematen zaio egindako bidea.

Pablo Sastrek darabilen Errealismorako abiapuntua hizkera bera da. Ezaguna da egileak herri hizkeretara jo eta eurak bereganatzearren egin duen ahalegina. “Petritegin aurkitutako zinta” dago horren lekuko. Hizkera eta gaia bateginda, kontagai txundigarriak hautatu ditu Sastre gazteak. Zaldia, zahartzaroa, ezkutuko lanak, zoratzea, errealistek hain gogoko izan dituzten gaietara bidaia polita, ederra egin du oraingoan ere.

Sozialista eritzi zaion beste errealismoarekiko aldea nabarmenaz, fantastikotasunez melatu ditu ipuinak, ordea.

Azkenik, nahasturak berak eskatzen izan dituen gainerakoetan ere, hau da, harien josteko moduetan eta burutzeko eretan, ez du huts egin. Kontagai bakoitzari bere taiukera emanik, sorta ederra ekarri du. Ipuinak irakurri ahala estuago lotuko gaituen kate ikustezinak lotzen ditu hemengo guztiak. Batasuna du liburuak. Azken orrialdeko azken puntura heldutakoan nagusitu zaidan inpresioa da.

Azken kritikak

Horma
Marlen Haushofer

Ainhoa Aldazabal Gallastegui

Ura ez baita beti gardena
Xabi Lasa

Joxe Aldasoro

Zoo
Goiatz Labandibar

Paloma Rodriguez-Miñambres

Xomorroak
Julia Guillamon

Nagore Fernandez

Monogamoak
Iñigo Astiz

Asier Urkiza

Metamorfosia
Franz Kafka

Aritz Galarraga

Mesfida zaitez
Bea Salaberri

Jon Jimenez

Nazionalismoaren alde eta aurka
Joxe Manuel Odriozola

Mikel Asurmendi

Itzalen tektonika
Itxaro Borda

Paloma Rodriguez-Miñambres

Manttalingo alaba
Mikel Etxaburu

Jose Luis Padron

Nazioa eta hizkuntza Humboldten pentsamenduan
Iñaki Zabaleta Gorrotxategi

Jon Jimenez

Etxe bat norberarena
Yolanda Arrieta

Irati Majuelo

Hormako atea eta beste ipuin batzuk
H.G. Wells

Hasier Rekondo

Zeru-lurren liburua
Jon Gerediaga

Jon Martin-Etxebeste

Artxiboa

2024(e)ko ekaina

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

Hedabideak