susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Kontaketaren atsegina | Baigorriko zazpi liliak »

Garoa / Txomin Agirre / Labayru, 1987

Garoa Xabier Mendiguren / Argia, 1987-11-01

Bizkaierazko mende honetako klasikoak agertu ohi diren “Sutondoan” bildumak Txomin Agirreren gipuzkerazko “Garoa” dakarkigu, aurretik ateratako “Auñamendiko lorea” eta “Kresala”ren ostean.

Bingen Zupiria izan da honakoan edizioaren arduraduna, sarrera bat idatzi eta testua moldatuaz. Sarreran egilea eta nobela testuinguru historikoan kokatu dizkigu, obra honetako hizkuntzaz mintzatu, “Garoa”ren edizioen arteko aldeak iruzkindu eta azken honetan erabilitako erizpideak kontatu. Bibliografia koxkor bat ere badator.

“Sutondoan” sailean kaleratutako liburu askotan, asmo pedagokikoak eraginda edo, behar baino gehiago itxuraldatu ohi da jatorrizko izkribua, aldaketen berri zehatzegirik eman gabe, ikerlanetarako baliogabetuz delako argitalpen hori. Eskertzekoa da beraz, honako honetan berrikuntzak ortografiara mugatzea, hauen berri ematea eta Agirrek bizi zela utzitako azken edizioari lotzea, aurretik atalka atera zen RIEVekoarekin dituen aldeak ere azalduz. Orri azpian hiztegizko ohar lagungarriak ere badakartza.