susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Emily, literaturaren lilura | Hiriaren sentibera »

Lehen triptikoa / Joxean Agirre / Durangoko Udala, 1986

Lehen triptikoa Mikel Mendizabal / Argia, 1987-07-26

Pentsamenduak ditugu nobela motz honen oinarria. Pentsamenduak mota guztietakoak, batzuk arraroak, besteak ez horren beste, baina edozein pertsonak bere buruan izan ditzaken pelikulak agertzen dizkigu Joxean Agirrek nobela honetan. Protagonistak zuzenki idazten ditu bere istorioak, esaterako gizon batek urte pila darama ezkondurik eta bere ustez, bere emaztearengan zuen xarma urteekin piskana-piskana galtzen joan da; honela, bidaia berri bat antolatzea erabakitzen du, amodioa berriz ere berpizteko. Antolatze honek baditu bere gora-beherak eta autorea azaltzen joango zaizkigu. Beste kapitulu batean adibidez, bere heriotzan pentsatzen du; zer dio jendeak? zein da bere erreakzioa?

Protagionista sikiatriko batean izan ondoren, garbi dago hamaika gauza duela bere barnean eta bere ondorioa zera da, gizakiak aktore batzuk garela, gure izaera maskarada batez estaltzen dugula.

Liburua lasai eta bere xehetasun guztietan fijatuz irakurtzekoa dugu, eta ez dira gutxi hauek. Bestalde nahiko modu esistentzialista darama. Autoreak ez ditu gauza fantastikorik narratzen, edozeini gertatzen zaizkionak baizik, eta kutsu nahiko ezkorrez ikusirik.

Liburu honek 1986. urtean Durangoko Udaletxeak antolatutako nobela saria jaso zuen, epailariak Jon Kortazar, Txema Lasagabaster eta Patri Urkizu izanik.