kritiken hemeroteka

7.335 kritika

Azken kritikak

« | »

Hiriaren melankolia / Felipe Juaristi / Baroja, 1987

Hiriaren sentibera Jon Kortazar / Eguna, 1987-08-06

Balio sendoa bihurtzen ari zaigu F. Juaristi gure poesia gazte berriaren alorrean. Eta orain gutti argitara duen Hiriaren melankolia poema liburuak ziurtatu egiten du eritzi hori.

Alde batera utziak ditu bere hasierako Denbora, Nostalgia hartan agertzen ziren poema adoleszenteegiak; oraingoa maila mantendu batetan higitzen da orrialdeetan zehar. Juaristiren poesiaren tonoa ez da trumoi-euriarena, antz gehixeago du xirimiri bigun eta bustikorrarekin. Izenburuaren diseinuan erabilitako urdin eta more koloreek liburuan agerturiko hiztegi modernista eta musikarekin egiten dute bat, irakurlearen sentiberatasuna sortu arte. Baina, azalaratzen duen lainotasun eta baladatasunaren azpitik, poesia honek gizona dakar, humanismo-zutabez sorturiko erreflexioa, sentsibilitate berri batek eskeiniriko erakuspena.

Liburua hasi, norberaren mundutxotik hasten da. Etorkizunean itxaropenik ikusten ez dugunoi, xamurtasunak eskeintzen digu babes bakarra. Anarkia eta Desorekaren munduan bizi garenok jakin beharko dugu “zure ezpainetan, zure ezpainetan” estaltzen. Xamurtasuna eskeintzen da balio nagusitzat liburuan. Bigarren aldean, aldiz, mundua norberaren txokotxotik ikusteko jokeraen azalpena eskeintzen zaigu. “Mundua teletipo inmenso bat” dela baieztatuz, gizartearen historia eta idealak ahaztuz, norberaren esperientzia, norberaren bizitza aipatuz, indibidualismoaren balioaz hasten zaigu hitz egiten Juaristi.

Poesia eta idaztearen lanbideari buruzko pentsakizun sakonetan ari zaigu liburuaren azken zatian. Nitasuna, inorena bezala, disoluzio bezala aurkezten du. Liburua transbangoardista dei dezakeaun honek, ongi erakusten du noiz galtzen den konpromezu-poesia eta estetika hutsaren ateko debatearen muga: Izanak eta nortasunak bere galera ezagutzen duenean, edo Mikel Lasak esango lukeen bezala, “Dana eta Nadak zirkulua bukatzen dutenean” nitasuna gaurko munduaren sinbolo eratzeakoan. Juaristiren izaerak xamurtasunari eta egunerokotasunari laudorio egiterakoan, aurpegi biko jainkosaren gisa, nitasunean ezerezaren agerpena erakusten du.

Eguna, 87-08-06



www.susa-literatura.eus



Azken kritikak

Jamaikako neska
Joxemari Iturralde

Aiora Sampedro

Bihotza nora, zu hara
Susanna Tamaro

Joannes Jauregi

Atzerrian
Nerea Balda

Ibon Egaña

Urtaroak eta zeinuak
Jon Gerediaga

Javier Rojo

Idazleen gorputzak
Eider Rodriguez

Amaia Alvarez Uria

Ez dadila eguzkia sartu
Martin Etxeberria / Xabier Etxeberria

Amaia Serrano Mariezkurrena

Hariak
Yoseba Peña

Igor Elordui Etxebarria

Hezurren erretura
Miren Agur Meabe

Javier Rojo

Hezurren erretura
Miren Agur Meabe

Txema Arinas

Lerro etena (2004-2018)
Angel Erro

Javier Rojo

Kontrako eztarritik
Uxue Alberdi

Sustrai Colina

Jamaikako neska
Joxemari Iturralde

Javier Rojo

Mari-mutil handi baten bluesa
Leslie Feinberg

Onintza Irureta Azkune

Idazleen gorputzak
Eider Rodriguez

Javier Rojo

Artxiboa

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Martxoa 2019

Otsaila 2019

Urtarrila 2019

Abendua 2018

Azaroa 2018

Urria 2018

Hedabideak