« Arkeroak beti jotzen du bi aldiz | Etnofaunalia »

Euskal Testu Zaharrak I / Jose Mari Satrustegi / Euskaltzaindia, 1987

Euskal Testu Zaharrak I Mikel Mendizabal / Argia, 1987-06-14

Ez dugu Satrustegi aurkezten astirik galduko. Bere urtetako lanek, etnologia eta’ filologia aldizkarietan barreiaturik gehien bat, nahiz sexuaz idatzitakoek nola nobelak dena diote.

Izan ere horixe da liburu honetan ikusten dena, urteak eta urteak zehar bazterrak harrotu dituen norbaiten emaitza oparoa, mende diferenteetako euskal testu zaharrak, Iruñerri guztikoak, gipuzkoarren bat, Nafarroko mendi aldekoak bilduz.

Satrustegik erabaki omen du pilatzeari uztea eta bildutakoa sintetizatzea eta horretaz teorizatzea. Asmo bera du etnologiari dagokionean. Argitaratze hau hor dago beraz, bide gurutzean.

Edizioaz bi hitz idatzi gabe ezin egon. Dendetan esan digutenez ez omen dago edizio “popularra” egiteko asmorik. Edizio hau oso zaindua dator itxura aldetik, zainduegi beharbada, zaintzeak hiru mila pezeta pasatxo eskatzen badu. Liburuak denentzat egiten dira, baita hemeretzi urtekoentzat ere. Euskaltzaindiak subentzio anpatuak jasotzen ditu, baina “Euskera” aldizkaria edo kasu honetan liburu hau garestiegi jartzen ditu karrikan. Asko eta askok apaingarri gisan erosiko dute liburu kankargarri hau; azken batean “es de Satrustegi”, eta hori da beti inoren osperako.

Dena den, kritika txiki horretaz gain, liburua benetan gorestekoa dugu.