susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Ordu alferren segida | New York, New York »

110. street-eko geltokia / Iñaki Zabaleta / Susa, 1985

110. street-eko geltokia Iñaki Camino / Argia, 1985-10-14

Lehendik bi olerki-liburu argitaratuak zeuzkan Iñaki Zabaleta Ameriketan egon berria dugu, eta hura aprobetxatuz nobela motz hau idatzi du. “Bertsoaren ezpata” eta “Eskuaren fereka”ren egileak, New Yorken kokatu ditu gertaerak. Ezkurrako gazte batek arazoak dauzka Iruñeako polizia españolarekin, eta Ameriketara doa ihesi ikarak eramanda. Han gizarte berri munstroak irentsiko du. Lana aurkitzen du gero kafetegi batean, baina gauzak berehala okertzen zaizkio, bertako nagusiak droga munduan sartzen baitu salaketaren mehatxupean gazte ezkurrarra. Haria aitzinera doa pixkanaka, eta gazte honek drogaren garraioaren tunel beltzetik atera nahi duen unean, aukerako neska gaztea ezagutzen du. Bizimolde atsegina agertzen zaio, baina kafetegiko nagusiak hasieran oso begiko duena begitan hartzen du azkenik. New York erotegiaren deskripzioei, gaztezutuko unibertsidadeko oroitzapenak eransten zaizkie, nobela izenekoa osatuz. Erraz eta gustora irakur daitekeen nobela dugun arren, bati baino gehiago ezer beste mundukorik kontatzen ez duen narrazioa iruditu lekioke, landugabea, espero zitezkeen gehiegiz betea.