susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Salbatore Mitxelenaren “Idazlan Guztiak II” | E pericoloso sporgersi »

Nafarroako artizarra / Joxemari Iturralde / Elkar, 1984

Nafarroako artizarra Iñaki Kamino / Argia, 1984-12-23

Iturraldek orain urtebete burututako elaberria aurten kaleratu da. Motza da bera, eta soila, arront soila. 26 ataletan, bi bizitza dira gerturatzen zaizkigunak, bi anaienak argiago esateko. Bata nafar euskaldun batena da. Etxeko gurasoen baldarkeriagatik judutarren artean aldapa beheran ageri da bera eta ilobei bizimodua eta abenturen kontatzen ari zaie. Bere anaia da bestea, kaxkoa bero bero ibiltzen ohitutakoa. Mundua zeharo aldrebesa gertatzen zaio sarritan, eta herriz herri ibiltzea du maiteen, ostatuzuloetako ardo eta sagardo guztiak eztarrira boteaz batipat. Gartzelako inkilino izatea ere suertatzen zaio behin edo behin. Iturralderen lanak XIV. mendeko Euskal Herriko feria eta hirietako deskrizio bat izan nahi du: Toledo eta besteren bat ere ahaztu gabe. Frailetxeetako giroa ere ageri da liburuan zehar. Lan xume eta soila dugu, asmo gorenik gabekoa.