susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Historia destilatuak | Nafarroako artizarra »

Akademia sekretuaren egutegia / Askoren artean / Pamiela, 1984

Akademia sekretuaren egutegia Iñaki Kamino / Argia, 1984-12-09

Garrantzia handiko egutegia dugu Akademia Sekretukoek bidali diguten hau. Euskal egutegietan aitzindaririk duen arren, nekez bilatuko genuke hau bezalakorik gaur arte izan direnen artean. Edozein egutegik egun horretako sainduak eta eguzkiaren atera eta sarrera orduak badakartza ere, honek ez digu hain ezinbestekoak diren horien izpirik ere eskeini. Baina heste inortxok ere eskeintzen ez duena du: literatura, ia orritxo guztiek dakarte idazle kanpotar baten pasarteren hat (euskaldunik ere bada idazle horien artean, baina ia bat ere ez), egutegi literarioa da, eta internazionala osoki. Bada bestalde broma antzekorik, jolasen bat (literarioak gainera) eta kalibre horretako beste zenbait idazki labur. Bati baino gehiago primeran etorriko zaigu estranjeria aldeko olerkari eta narradoreak amiñi bat ezagutzeko. Aldarte oneko giroan egina da, adar jotzaile bikaina zenbaitetan.