susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Berriz eskuratuak | Bazterkulturaren egoeran »

Kutsidazu bidea, Ixabel / Joxean Sagastizabal / Alberdania, 1994

Geure buruaz farre egitea ona da Xabier Etxaniz / Euskaldunon Egunkaria, 1994-06-12

Liburu hau irakurtzen bukatu bezain pronto bi zentzazio izan ditut. Lehenengo poza liburuaren aurrean, gustora irakurri dudalako eta geure buruaz farre egin. Dibertigarria da liburua, eta zenbait laguni gomendatu diet dagoeneko. Liburuan zehar irrifarrea ezpaineratzeko toke eta hitz jokuak etengabeak dira. Mendian gora. Vasconum. Gary Cooperren “Solo ante el peligro”. Euskal aditzak ikasiz menderatzea euskara (zinderraizkidake). Eta abar.

Liburua arin irakurtzen da, zailtasun handirik gabe —swahilia ez denean, jakina—. Entretenigarri da eta batez ere umore ikutu fina orrialdeetan. Bigarren zentzazioa aldiz, bestelako izan da. Liburu hau gazteentzat ote da? Hau da, argitaletxe bateko gazte sailean egon behar du? Denok dakigu zein mehea den gazte eta heldu literaturaren arteko muga hori, baina Joxean Sagastizabalen liburu honetan agertzen diren erreferentziak (bai literarioak gaztetxoak erakartzeko modukoa den, askoz aproposagoa iruditzen zait euskaltegietatik pasatu diren, edo irakaskuntzaren munduan ari direnentzat (eta hauetako gehienek botoa emateko adina dute aspalditik). Nire dudak ditut gazte literatura den ala ez esaterakoan hala ere, nik oso gustora irakurri dudala esan behar dut, eta disfrutatu egin dudala liburu honekin. Oso ona da farre egitea, eta zer esanik ez geure buruaz denean!