kritiken hemeroteka

7.979 kritika

Azken kritikak

« | »

Ipuin bakarrak / Askoren artean / Elkar, 1994

Berriz eskuratuak Felipe Juaristi / El Diario Vasco, 1994-06-11

Bederatzi idazle biltzen ditu Xabier Mendiguren antologiegileak liburu honetan. Harena da liburuari sarrera egiten dion testua, eta bertan jakinarazten du sarreraegileak zein xede izan duen liburu hau plazaratzeko orduan; ahaztutako edo baztertutako ipuinak denon eskura ekartzea. Aipatu behar, beraz, zein diren idazle eta ipuin aukeratuak.

Joseba Sarrionandiaren Maggie, Indazu Kamamila!, oso ipuin polita benetan, galdua edo zegoen Xaguxaharra aldizkariaren lehen alean. Badakit, laster kaleratuko den euskal narratibaren antologian ere agertuko dela, itzulita, noski, antologia hori kaleratuko duena madrilgo argitaletxe ospetsua baita.

Joxerra Garziaren Demetrio edo Mendekuaren Gozoak urte berean irabazi zituen Donostiako eta Debako ipuin-lehikaetak. Badakit istiluren bat ere izan zuela egileak, eta ipuinaren lehen bertsioa, oker ez banago, Literatur Gazetan argitaratu genuen, aldizkariak ateratzen genituen garai hartan.

Joserra B elokiren Baina zein ez zaio esparantzaren bati atxekitzen ipuinak Irun Saria irabazi zuen 1986an.

Imanol Zurutuzaren Haizeak Iparlaino Beltzak Dakartzanean honek ere Irun saria irabazi zuen, eta pena da, gordeta egon izana, ipuin zoragarria baita nire ustez.

Andoni Egañaren Hil-Kanpaiak izenekoak Tene Mujika saria irabazi zuen. Grazia handia eta abildade handiagoa du Andoni Egañak kontaeran. Horiek dira ipuin honen bertuteak.

Xabin Zabalaren Zubiaren Beste Aldean ipuinak Irun saria irabazi zuen, baina ez dut uste jende askok ezagutzen duenik. Fantasiazko ipuina da, zentzurik klasikoenean, eta horregatik dago literatura horretako topikoz josia.

Luis Berrizbeitiaren Mezua maisuki idatzita dago. Gozatzeko moduko ipuina da. Bilboko Gabriel Aresti Saria irabazi zuen.

Patxi Iturregiren Hondarreko Distira Ahantzi Hura da lehenagotik ezagutzen ez nuen ipuin bakarra. Aitortu behar dut sorpresa handia hartu dudala irakurri ondoren. Prosa indartsua darabil, oso zehatza da deskribapenetan, giroa eta atmosferak ederki lantzen dakien idazlea dugu.

Joxemari Azurmendiren Joseren Historiak baliorik baldin badu, hori da, hain zuzen, hizkuntzaren erabilpena. Aberatsa oso.

Gustora irakurtzen den liburua dugu. Ahaztuta zeuden ipuinak eskura jarri dizkigutelako merezi du liburu honek aipamentxoa.

Azken kritikak

Austerlitz
W.G. Sebald

Irati Majuelo

Azken etxea
Arantxa Urretabizkaia

Ibon Egaña

Begiak zabalduko zaizkizue
Irati Jimenez

Paloma Rodriguez-Miñambres

Mina hartzeko ere
Juan Luis Zabala

Maddi Galdos Areta

Azken etxea
Arantxa Urretabizkaia

Nagore Fernandez

Liztor mutanteak
Santi Leone

Asier Urkiza

Urtu aurretik
Xabi Borda

Paloma Rodriguez-Miñambres

Gaueko eztabaidak
Agustin Arrieta Urtizberea

Mikel Asurmendi

Mina hartzeko ere
Juan Luis Zabala

Irati Majuelo

Eraikuntzarako materiala
Eider Rodriguez

Amaia Alvarez Uria

Uda betea
Aritz Gorrotxategi

Hasier Rekondo

Analfabetoa
Iñigo Astiz

Mikel Asurmendi

Faith
Lander Garro

Asier Urkiza

Samuel eta Slawo
Karlos Linazasoro

Nagore Fernandez

Artxiboa

Maiatza 2022

Apirila 2022

Martxoa 2022

Otsaila 2022

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Uztaila 2021

Ekaina 2021

Hedabideak