kritiken hemeroteka

8.350 kritika

« | »

Mariaren mendea / Pablo Sastre / Susa, 1992

Mugarri berria Edorta Jimenez / Euskaldunon Egunkaria, 1992-12-20

“Mariaren mendea” izeneko liburu honetan narrazio luze bi bildu ditu Pablo Sastrek, zeinaren orain arteko azken lana, hemengo hau agertu artekoan, “Kristalezko bularrak” izan baita. Azken horrek utzi zidan aho ona hobetu besterik ez du egin gaurko honek, ordea.

Atzekoz aurrera joanaz, “Hautsi da negua” da bigarren narrazioaren titulua, berau delarik, ene eritzian, borobilena, zeren Pablo Sastrek hor lortu duen giroa eta tentsioa egundokoak dira. Gutxitan pasatzen ditut orrialdeak irakurri gabe, amaiera lehen bait lehen jakitearren. Bada, halaxe egitekotan izan naiz honetan, lerrorik lerro begiak gero eta arinago joaten izan bait zaizkit. Laburturik, giroa eta tentsioa errelato berean bat egitea erdietsi du idazleak.

Lehen errelatoaz, liburuari izena ematen dionaz, alegia, zera esan dezaket, giroak agintzen duela mamiaren gainetik, idazleak erabili duen teknikak —ahozko hizkeraren transkripziotzat jo daitekeena, ezinbesteko egokipenak gorabehera—, etnologiaren alderantz dakarrelako errelatoa. Azken honek ez du esan nahi, jakina, errelatoa etnografikoa denik, lerroz lerro aurrera joan ahala nabarmenago egiten delako, idazlearen asmoa ezezik, zein aldetatik idatzi duen ere. Ahotsaren bidez baino ezagutzen ez dugun emakume hori, Maria, mende oso bat da ia. Apustu gogorra egin du, bestalde, Pablo Sastrek errelato honetan, ez bait da erraza hainbeste orrialdetan barrena narrazioaren tentsioari eustea. Apustu horretatik garaile irten duelarik, mugarri berria jarri dio bere buruari idazleak, gure mugetatik geure mugez hitz egiten duen honetan.

Azken kritikak

Sorginak, emaginak eta erizainak
Barbara Ehrenreich / Deirdre English

Ainhoa Aldazabal Gallastegui

Ez naiz ondo akordatzen
Karlos Linazasoro

Mikel Asurmendi

Gerezi-denbora
Montserrat Roig

Amaia Alvarez Uria

Presbiziak lagundu omen digu
Edu Zelaieta

Mikel Asurmendi

Itsaso amniotikoa
Oihane Jaka

Aitor Francos

Itzulpena-Traducción
Angel Erro

Jon Jimenez

Itzulpena-Traducción
Angel Erro

Asier Urkiza

Maitasuna eta dirua, sexua eta heriotza
Mckenzie Wark

Nagore Fernandez

Fiesta: Eguzkia jaikitzen da
Ernest Hemingway

Aritz Galarraga

Biharraren hegietan
Maddi Sarasua Laskarai

Maddi Galdos Areta

Gaueko azken expressoa
Eneko Aizpurua

Aiora Sampedro

Aingeruak eta neskameak
June Fernandez

Ibon Egaña

...eta gauetik, euria
Fertxu Izquierdo

Nagore Fernandez

Nekropolia
Boris Pahor

Asier Urkiza

Artxiboa

2024(e)ko uztaila

2024(e)ko ekaina

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

Hedabideak