kritiken hemeroteka

7.572 kritika

Azken kritikak

« | »

Haraindiko begiradaren bila / Pello Otxoteko / Bermingham, 1999

Barrutik kanpora, itzaletik argira Felipe Juaristi / El Diario Vasco, 2000-03-11

“Begirada argiaren dantzaria da” esaten digu Jose Luis Padronek liburu honen hitzaurrean. Bete-betean asmatu duelakoan nago, begiak argia behar baitu begiratzeko, begia ilunpean ez baita deus. Poema batek laburbiltzen eta mamitzen du liburuaren esanahia: “Izan ere/ ez al du merezi/ zeru ilun itzaltsua behatzea/ isolamendu sotielan/ izar-argi bakarra baldin badago ere?/ Haraindiko begiradaren bila”.

Pello Otxoteko Irungo poeta gaztea da. Liburu honekin XI Pasaia Hiria irabazi zuen. Poeta sakona da, barnetik kanpora, itzaletik argira joan nahi duena. Sakona da era berean. Pello Otxotekoren poesia oso berea da, sentsazioetan oinarritua, nahiz eta kontzeptuak adierazi nahi dituen poemak ere badiren liburuan. Esaterako: “Emaidazue motibo bat/ eta mundua aldatuko dut”. Arkimederen oroimenez idatziriko poema bera.

Poema liburu hau bidaia moduan ere irakur daiteke, Barne-bidaia da eta bertan beste bidaia askoren oihartzunak aurki daitezke, bidaiariak bere ibilbidean, hasieran behintzat, aurretik bide beretik joan direnen bideak hartzen baititu. Gero, azkenik, bakarrik dagoela konturatzen da. Begiratzen du ezker-eskubi eta inor ez ondoan. Begiratzen du aurrera eta inoren oinatzik ez. Berak bakarrik egin behar du aurrerako bidea, berak bakarrik iritsi behar du helmugara, bere ahotsa loratuko den baratzera. Bada poema bat, esan dudanaren adierazgarri. “Larrosak ditu arantzak/ eta bihotzik ez altzak/ edertasunak bereak ditu/ heriotzaren orratzak”. Ezaguna egiten zaigu horko gaia.

Sakona dela esan dut, baina ahaztu zait esatea, sakontasunaz gainera, Pello Otxotekoren poemek ukitu filosofikoa ere badutela. Denboraren ezkutuko zentzuaren bila.

Azken kritikak

Bazterreko ahotsak
Miren Tirapu Goikoetxea

Amaia Alvarez Uria

Poesia guztia
Safo

Javier Rojo

Moskito
Igor Estankona

Aitor Francos

Nobela errealista bat
Joxean Agirre

Marta Goikoetxea

Bitakora kaiera
Ibon Sarasola

Mikel Urkixo Aierdi

Gilles de Rais
Anjel Lertxundi

Marta Goikoetxea

Miserikordia etxea
Joan Margarit

Jose Luis Padron

Argiantza
Pello Lizarralde

Aiora Sampedro

Hotz industriala
Julen Belamuno

Joannes Jauregi

Hotz industriala
Julen Belamuno

Ibon Egaña

Hotz industriala
Julen Belamuno

Javier Rojo

Noiz arte arrazoi
Juan Kruz Igerabide

Igor Estankona

Ibaiertzeko ipuina
Oihane Amantegi Uriarte

Irati Majuelo

Isiltasuna
Eneritz Artetxe Aranaz

Javier Rojo

Artxiboa

Uztaila 2020

Ekaina 2020

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Hedabideak