« Adimen eroa | Poesiaren “bonsai”a »
Tentazioak / Jasone Osoro / Elkarlanean, 1998
Sorpresa txikiak Felipe Juaristi / El Diario Vasco, 1999-09-11
Ipuin laburrak badu gauza onik. Berehala irakurtzen da, eta ipuina punta-puntakoa bada, aho gustu gozoa uzten du gure baitan. Hala ere, esan beharra dago, ipuin labur onak idaztea oso zaila da, poema labur onak idaztea bezain bai gutxienez. Literatura, honetan, bizitzaren metafora litzateke —bizitzak, bere iragaitearenaz gain, beste metaforarik balu bezala: ibai bat itsasora bidean edo—. Izan ere, batzuek hitzez edo margoz ekarri nahi izan dutena, artea alegia, lortu dute zenbaitzuek beren bizitzaz. Laburrak dira horienak eskuarki, urteak iraun dituenaren bizitza gehiago baita lana artea baino, arte-lana alegia. Irakurri nahi duenak irakur beza Senecak idatzi zuena: bizitzaren laburtasunaz.Ipuin laburra begirada bakarraren antzekoa da. Bat (gizon ala emakume berdin) kalean zehar doa, eta ondotik igarotzen zaio deigarri egiten zaion pertsona bat (gizon ala emakume berdin). Begiratzen dio, une labur bakar batez; begiratzen dio sakonki ordea, begiradan jarriz sentimenduek esan nahi dutena, eta begirada hori da balio duena; begirada hori da funtsekoena, zeinuak eta hitzak baino garrantzitsuagoa. Halaxe ipuin laburrak, hitz gutxi baina mami asko. Baina hori esana zuen aspaldi idazle espainiar batek.
Jasone Osorok ipuin laburrak bildu ditu liburu honetan. Izenburua ez dago gaizki jarrita, pertsonaiak mugako mundu batean bizi baitira: errealitatearen eta desioaren artean. Zerbait egin nahi dute, hartarako prestatzen dira baina azkenean egiteke geratzen da egikizun dagoena. Patuak zer esana ugari du ipuinotan. Egitura sinplea da baina begiak engainatu egiten dira azkenik, ezer ez baita dirudiena. Ipuin batzuk onak dira, begi-kliskak benetako begiradak baino, sakontasuna falta baitzaie. Baina oro har liburu interesgarria da; sorpresa txikiak eskaintzen ditu gainera.
Francesco Pasqualeren bosgarren arima
Unai Elorriaga
Joxe Aldasoro
Lanbroa
Pello Lizarralde
Mikel Asurmendi
Sorginak, emaginak eta erizainak
Barbara Ehrenreich / Deirdre English
Ainhoa Aldazabal Gallastegui
Ez naiz ondo akordatzen
Karlos Linazasoro
Mikel Asurmendi
Gerezi-denbora
Montserrat Roig
Amaia Alvarez Uria
Presbiziak lagundu omen digu
Edu Zelaieta
Mikel Asurmendi
Itsaso amniotikoa
Oihane Jaka
Aitor Francos
Itzulpena-Traducción
Angel Erro
Jon Jimenez
Itzulpena-Traducción
Angel Erro
Asier Urkiza
Maitasuna eta dirua, sexua eta heriotza
Mckenzie Wark
Nagore Fernandez
Fiesta: Eguzkia jaikitzen da
Ernest Hemingway
Aritz Galarraga
Biharraren hegietan
Maddi Sarasua Laskarai
Maddi Galdos Areta
Gaueko azken expressoa
Eneko Aizpurua
Aiora Sampedro
Aingeruak eta neskameak
June Fernandez
Ibon Egaña