kritiken hemeroteka

8.288 kritika

« | »

Plastikozko loreak erregearentzat / Xabier Montoia / Susa, 1998

Elvisen bila Felipe Juaristi / El Diario Vasco, 1998-05-23

Azalean Elvisen argazkia ikusten da, gitarra eskuan, gazte zenekoa. Izan ere, Elvis Presleyren santutegira (Gracelandera hain zuzen) egindako bidaia kontatzen digu Xabier Montoiak. Amerikarrek oso maitea duten jeneroa da, gainera, bidaia-liburuena, Kerouak-ek On the Road sonatua idatzi zuenez geroztik batez ere. Amerikarrak autozaleak direlako, seguruaski, eta eraiki dituzten autopista eta autobideak betetzeko auto asko beharko dutelako ere bai, nik uste.

Alde horretatik begiratuta ez da oso berezia Montoiaren liburua. Auto bat hartzen du (Ford zahar bat) eta gogoko duen musika sortu izandako lurrak bisitatzeari ekiten dio: Nashville eta Memphis hiriak ikusten ditu eta, bide batez, Elvisen berri ematen digu. Montoiaren liburu honetan (oso txukun idatzita dagoela esan behar), filmeetan edo-eta jeneroko nobeletan ikusiagatik edo irakurriagatik ezagunak zaizkigun irudiak aurkitzen ditugu: motelak, limusinak, tabernak… Motelak bere garrantzia du amerikarren iruditerian, ez pentsa. Kantetan ere sarri-sarri esaten den hitza da. Topikoa izanik, zaila da irudiari muzin egitea. Eta hauxe galdera, zer ez da topikoa estatu Batuetan.

Esan nahi dut Montoiak erakusten diguna ez dela filmeetan edo amerikar tipikoen liburuetan agertzen denaren ezberdin. Baina esan beharra ere badago, Elvisen sorlekuan, Graceland miresgarrian, turisten Meka berri horretan, gauza gutxi daudela topikotik kanpokoak edo-eta irudi finkoaren aldean ezberdin direnak. Ia dena erakutsi baitigute lehendik.

Dena dela, interesgarria iruditu zait liburua. Kontatu behar duena kontatzen digu, gehiegizko deskripziorik gabe; nahikoa, hala ere, errealitateaz jabetzeko. Ez naiz Elviszalea, esan dezadan ozen. Areago, gorroto diot Elvisi eta haren inguruan sortutako industriari, baina Montoiak, musika-kontuetan jantzia denez, datu pila ematen dizkigu Nashvillen eta Memphisen egiten zen musikari buruz. Eta hori beste kontua da, amigo.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak