kritiken hemeroteka

7.565 kritika

Azken kritikak

« | »

Herrenaren arrastoan / Juan Kruz Igerabide / Alberdania, 1998

Lore ederrak Felipe Juaristi / El Diario Vasco, 1998-05-16

Ehun orrialde ditu liburuak eta hori izugarri gustatzen zait (zenbakia, noski), ehun orrialdeetan liburu honek beste askok bostehunetan baino gehiago esaten baitu. Aforismo liburua da Juan Kruz Igerabideren hau. Esan beharra dago ez dela lehen aldia aforismoaren arrastotik sartzen dela. Sarean Leiho liburuan aforismo mordoska zekarren, poemekin batera. Izan ere, poesiatik aforismora doan bidea ez da oso zaila egiteko. Poema batzuek (munduan mendeetan idatzitakoez ari naiz), aforismo tankera dute, beren laburrean, mamia besterik ez baitakarte. Eta aforismo asko poemak dira: poema bereziak, dena dela.

Liburua, nolabait esateko, gaika banaturik dago. Zati bakoitzaren hitzaurre gisa-edo poema bat dakar Igerabidek, aforismoaren nondik norakoa argitzen duena. (Zuhurtziaren zuhurtzia. Izan ere zer da egokien aforismo-sorta baten aurkezpen gisakoa, poema bat baino?) Liburuko bigarren poema honako hau da, adierazgarria oso: “Oin lorratzak,/ anitzek anitz bider/ zanpatuak:/ Urrats zaharren gainean/ herrenik herrneean ere/ urrats berri.”

Hala ikusten dut nik liburua. Gure aurretik ibili direnen arrastotik herrenka dabilenaren saioa. Norbaitek pentsa lezake, hala ere, horrela ibilita ez dagoela modurik orijinal izateko. Baina, funtsean, ez da Igerabideren asmoa orijinal izatea, zorrotz, jakitun, ironiko agertzea baino, besteek esan dutenari eta berari bururatu zaionari punta ateraz.

Ikus ditzagun: “Zintzo jokatu, gaiztoarena egitean ere.”

Edo beste hau: “Zuhaitzik tenteenak ere, sustraiak oker.”

Horrelako lorez beteriko baratza dugu Juan Kruz Igerabideren liburu hau. Ez da egun batetik bestera, goizetik arratsaldera irakurtzeko liburua, baizik eta gaur zati bat, bihar bestea dastatu, gozatu eta hausnartzen hastekoa.

Azken kritikak

Moskito
Igor Estankona

Aitor Francos

Nobela errealista bat
Joxean Agirre

Marta Goikoetxea

Gilles de Rais
Anjel Lertxundi

Marta Goikoetxea

Miserikordia etxea
Joan Margarit

Jose Luis Padron

Argiantza
Pello Lizarralde

Aiora Sampedro

Hotz industriala
Julen Belamuno

Joannes Jauregi

Hotz industriala
Julen Belamuno

Ibon Egaña

Hotz industriala
Julen Belamuno

Javier Rojo

Noiz arte arrazoi
Juan Kruz Igerabide

Igor Estankona

Ibaiertzeko ipuina
Oihane Amantegi Uriarte

Irati Majuelo

Isiltasuna
Eneritz Artetxe Aranaz

Javier Rojo

Inon ez, inoiz ez
Iban Zaldua

Txema Arinas

Gilles de Rais
Anjel Lertxundi

Joannes Jauregi

Nik ere Germinal! egin gura nuen aldarri
Koldo Izagirre

Aritz Galarraga

Artxiboa

Uztaila 2020

Ekaina 2020

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Hedabideak