kritiken hemeroteka

8.068 kritika

Azken kritikak

« | »

Arrainak ura baino / Hasier Etxeberria / Elkarlanean, 1999

Maitasunagatik egin zuen! Igor Estankona / Deia, 2001-05-04

Liburu bat “interesgarria” dela esaten denean adjektibo bigun baten bila ari garela ematen du, irakurtzeak gehiegi merezi ez duelakoan edo, baina gogorregiak izateko asmorik gabe. Hasier Etxeberriaren azken lana (Irun Sariaren bermearekin datorrena) interesgarria dela badiot, ez da lehen azaldu dudanagatik, halaxe iruditu zaidalako baino. Irakurkerta hasi eta segituan hasiz doan susmo bat sortzen du irakurlearengan, kontatzen ari zaigun trama arraro samarra beste zerbaiten zerbitzura dagoela, alegia. Gerogarrenean puzzle horren piezak agertzen hasten dira, eta bigarren plano batean uzten dute ekintza, kontaketaren benetako zioa (eta bertuterik handiena) argitu arte: giza-sikologiari buruzko hausnarketa. Maitale ez oso konbentzional baten izakeran patologia ezberdinak islatzen dira, sentipenen, jeloskortasunaren eta batez ere milurteko berriko gizonezkoaren paper gero eta nahasiagoaren iruzkina eginez. Gizonezko modernoari heroi izatea exijitzen zaio, baina bestalde heroitasun hori modu ahalik eta finenean erakustea eskatzen zaio, paradojikoki. Balentriarik klasikoenak egin behar ditugu, indarkeria erabiliz posible bada, baina gero sentiberak eta suabeak izan behar dugula errepikatzen digute, hori dela gure lekua. Esan barik doa leku gabe geratzen ari garela, Hasier Etxeberriaren nobelako protagonista bezala. Berarekin identifikatzera iritsi gabe sinpatia harreman bat sortu zait.
Modu barregarri baina duin batekin tratatzen du idazleak pertsonaia, azken batean honekin gogorregia izatea bere buruarekin gogorregia izatea balitz legez. Gehiegikeriak, estridentziak, kirtenkeriak, barkamenetako arrazoi unibertsalaren bidez zuritzen dira: maitasuna. Maitasuna delako, azken finean, liburuko esku omnipresentea, galduta dagoenari begira ari denak (irakurleak) beti erreferentzia eduki babar duen fenomenoa. Eta denok dakigu maitasuna iparrorratz zoroa dela, bueltaka ari dena ezer seinalatu gabe. Eta maitasunagatik, maitasunaren erruz edo maitasunari esker egiten direnak zeharo gauza desberdinak izan arren guztiak direla nolabait lojikoak. Ez dagoela patroirik. Hori da liburuaren ekarpen garrantzitsuena eta nik aurkitu diodan irakurketetako bat. Ez da gustura irakurtzen den liburua, idazkera fresko eta zirraragarrien bila bazabiltza ez dituzu hemen aurkituko. Baina merezi du azalean ez geratzeko ahalegina egiteak.

Azken kritikak

Keinura itzuli
Elena Olave

Irati Majuelo

Poema liburu bat ---irakurtzeko jarraibideak---
Angel Erro

Maddi Galdos Areta

Ipuina engainua da
Iban Zaldua

Aitor Francos

Isildutako eskuak
Jon Abril

Aitor Francos

Atsoa
Victor Catala

Nagore Fernandez

Erretzaile damutuen konpainia
Aingeru Epaltza

Asier Urkiza

Borrokalari transgeneroak
Leslie Feinberg

Amaia Alvarez Uria

Berriz zentauro
Katixa Agirre

Ibon Egaña

Amatu
Maite Lopez Las Heras

Mikel Asurmendi

Berriz zentauro
Katixa Agirre

Irati Majuelo

Kale gorriko umeak
Pier Paolo Pasolini

Ibai Atutxa Ordeñana

Berriz zentauro
Katixa Agirre

Jon Martin-Etxebeste

Azken etxea
Arantxa Urretabizkaia

Mikel Asurmendi

Hamahiru ipuin
Luisa Carnes

Asier Urkiza

Artxiboa

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

Hedabideak