kritiken hemeroteka

8.068 kritika

Azken kritikak

« | »

Memory Dump / Mikel Lasa / EHU, 1992

Poeta modernoaren zantzuak Felipe Juaristi / El Diario Vasco, 1993-05-01

Argitaratu berria den liburu honek motiboak ditu interesgarria izateko. Liburuaren beraren azalean hizki handiz azaltzen diren urte-datei erreparatzen badiegu, konturatuko gara hogeitahamar urteko lana dela bertantxe bilduta dagoena, 1960 eta 1990 baitira urte mugarriak, hasera eta amaiera azaltzen dutenak; eta hogeitahamar urte igaro daitezke suspirio baten abiadan, edo bestela, eternoak bihurtu beren mantsotasunagatik.

Euskal literaturaren eta, bereziki, euskal poesiaren erreferentzia izan da Mikel Lasa, 1971ean “Poema Bilduma” argitaratu zuenetik, bere arreba Amaia Lasarekin batera, baina urte batzuk lehenxeago ekin zion poemak idazteari, “Egan” aldizkarian batez ere. Historiaren ikuspegitik begiratuta, garrantzitsua izan zen garai hura, hirurogeigarrenean hasten den hamarkada, zehatzak izateko, zenbait datuk hala baieztatzen dutenez: heldutasunera iritsi zen Miranderen lana; Arestik “Harri eta Herri” argitaratu zuen, eta Mikel Lasak osatua zuen bere poemagintzaren hezurdura.

“Memory Dump” liburuak badu, hala ere, bere berezitasunik. Bertan biltzen da gazteleratua “Poema Bilduma” hura, beranduxeago Erein argitaletxean kaleratu zuena, bi poema berriekin, halako eta holako aldizkarien ahantzitik salbatuak, eta gainera, “Osagarriak” izeneko liburua, azken urteotako lana; ezinbestekoa, hau ere, Mikel Lasa bete-betean ulertzeko.

Liburu honen aurkezpenean, Juan Mari Lekuonak “ikertzaile estetiko”tzat jo zuen Mikel Lasa. Izen-adjetiboak ondotxo adierazten dute Getariako poetaren izaera: estatikarekiko ardura; sortzeari buruzko gogoeta etengabea. Lehenaren froga dira liburuan ageri diren marrazkiak; bigarrenarena, Rimbaudi buruzko ikerketa, haren poemen interpretazioa.

Mikel Lasa beti izan baita poeta, nahiz denboraldi batean (lur honetakoa infernukoa baino) isiltasunaren eremuan gordeta egon, poesia eta bizitza bata bestearen aurrean eta kontrajarrian ageri zitzaizkionetik hitzaren mugarrian.

Modernoa, hala ere, orain, lehen eta geroan. Gizon-emakumeen arazoez eta kezkez arduratuta, ibilean dabilen begirada baten jabe.

Azken kritikak

Keinura itzuli
Elena Olave

Irati Majuelo

Poema liburu bat ---irakurtzeko jarraibideak---
Angel Erro

Maddi Galdos Areta

Ipuina engainua da
Iban Zaldua

Aitor Francos

Isildutako eskuak
Jon Abril

Aitor Francos

Atsoa
Victor Catala

Nagore Fernandez

Erretzaile damutuen konpainia
Aingeru Epaltza

Asier Urkiza

Borrokalari transgeneroak
Leslie Feinberg

Amaia Alvarez Uria

Berriz zentauro
Katixa Agirre

Ibon Egaña

Amatu
Maite Lopez Las Heras

Mikel Asurmendi

Berriz zentauro
Katixa Agirre

Irati Majuelo

Kale gorriko umeak
Pier Paolo Pasolini

Ibai Atutxa Ordeñana

Berriz zentauro
Katixa Agirre

Jon Martin-Etxebeste

Azken etxea
Arantxa Urretabizkaia

Mikel Asurmendi

Hamahiru ipuin
Luisa Carnes

Asier Urkiza

Artxiboa

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

Hedabideak