susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Mitoaren oinarriaren bila | Kontatzen denaren neurriko »

Hausturak / Jokin Muñoz / Alberdania, 1995

Hausturak-Ahazturak Javier Rojo / El Correo, 1996-04-11

Jokin Muñoz literaturaren munduan sartu berri zaigu Hausturak izeneko narrazio bilduma batekin. Lan interesgarria, benetan; bertan, bost narraziotan zehar kontatzen zaigu Izurkiz izeneko herri batean nola aldatu zen bizitza herrira trenbidea helarazi zutenetik. Oroimenaren ariketa da, beraz, hausturak eta ahazturak gainditzeko asmoarekin egina. Narrazio hauek elkarrekiko erreferentziaz beterik daudelarik, elkar osatzen dute, azkenean ia-ia nobela bat burutuz. Pertsonaia bitxi asko agertuko zaizkigu. Eta hauei buruz ezer gutxi badakigu ere, hasieratik dakigun apurra nahikoa dugu beraien jokaera ulertzeko. Baina honek arrisku handia ekarri ohi du. Batzutan pertsonaiok lauegiak izaki, arazo handirik gabe aurreikus daitezke beren jokaerak. Pertsonaia guztiak bizitza trenak markatutako erritmora egokitu beharrean aurkituko dira. Eta egokipen hori ezinezkoa gertatzen zaienean trena bera izango da beraien amaieraren instrumentua, trena da-eta liburu osoa menperatzen duen elementua. Eta trenarekin batera, zeharka baizik aipatzen ez den gerra zibilaren presentzia (gertatzear, lehenengo narrazioetan; gertatua, azkenetan). Laburbilduz, liburu aberatsa, idazkera bera aipagarri duena.