susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Barrokoaren eta klasikotasunaren oreka | Poeta gaztearen begiak »

Arragoa / Jon Urrujulegi / Txalaparta, 1997

Eleberri akastuna Javier Rojo / El Correo, 1997-08-07

Azken urteotan indarkeria dela-eta eleberri interesgarriak argitaratu dira, Gizona bere bakardadean edo Hamaika pauso, adibidez. Liburu hauek literaturaren aldetik ezezik, plazaratzen dituzten hausnarketen ikuspegitik ere garrantzitsuak dira. Ezin esan daiteke gauza berbera Urrujulegiren nobela honetaz. Hemen kontatzen da nola 60ko hamarkadaren hasieran gazte bat ETAn sartu eta hor errealizatuta edo sentitu zen, lehen pertsonan dena. Gaiak, hala ere, ez du inolako sakontasunik, irakurleak ez baitaki zerk bultzatu zuen pertsonaia hori ETAn sartzera, ia-ia erlijiozkotzat har daitekeen konbertsio baten eraginez ez bada. Baina askoz harrigarriagoak iruditzen zaizkit kontaeran bertan dauden akatsak. Liburua digresioz josita dago, edozein gai dela-eta. Batzutan ekintzak noiz gertatzen diren ahaztu bide zaio idazleari, anakronismoak sortuz. Narratzailea pertsonaia nagusia ere bada nobela honetan, baina ikuspuntuaren aldetik batzutan ez da batere “kontsekuentea”. Pertsonaia batzuk agertu eta desagertu egiten dira, inolako koherentzia narratiborik gabe… Jon Juaristik esan omen zuen euskal literaturako lan batzuei mesede handia egiten ziela erderara ez itzultzeak, hain txarrak ziren. Eleberri hau irakurrita iritzi horrekin bat etorri behar.