susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gorde nazazu lurpean | Lehen aldiz maitemindu gineneko hura »

Euskal Kama-Sutra / Askoren artean / Gatuzain, 2000

Euskal Kama-Sutra Joseba Bergara / Txalaparta, hitzak & ideiak, 2001-03

“Kastitatea da, dudarik gabe, perbertsio sexualik ulertezinena” dio George Bernard Shawk, liburu honen kontrazalean adierazten den modura. Eta, horren jakitun, euskaldunon izen hotzari aurre egin nahian, Euskal Kama Sutra argitaratu dute Gatuzain-eko lagunek. Euskaldunona izanik, ordea, berezia behar zuen Kama Sutra honek eta, izan ere, berezia da. Bost egile ditu liburuak. Itxaro Borda, Antton Luku eta Mattin Irigoien idazleak, eta Asisko Urmeneta eta Marko Armspach marrazkilariak.

Idazleek, bakoitzak narrazio luze bana idatzi dute. Norabide txostenaz, Ezina ekinez egina eta Aizinanten kirola dira, hurrenez hurren, aipatu egileen lanak, hirurak ere Txalapartaren Literotura bildumarekin lehiatzeko modukoak… Narrazioak, esan bezala, Asisko eta Marko irudigile ezagun eta trebeekin ilustratuak datoz eta, halabeharrez esan beharrekoa da, lan honi egundoko bizitasuma ematen diote. Are gehiago, gainera, liburuaren orrialde guztiak koloretan argitaratuak direlarik. Azala, berriz, gogorra da, eta larru zatia dute liburuaren ale guztiek eskuz erantsita. Benetan, luxuzko edizioa.