susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Topikoa baino harago | Futbolak erbesteratu zituenekoa »

Ezkatak / Leire Bilbao / Susa, 2006

Ezkatak Iratxe Retolaza / Berria, 2007-02-10

Poesia liburu honen lehen parteak poetika berria jaso duelakoan nago, eta alde horri erreparatuz egin dut liburu honen alde. Lehen parte horretan, Bilbaok ezin(ar)en poetika bat abiatu du, baina, are aipagarriago dena, ezin(ar)en poetika hori subjektutasun jakin batetik abiatu du, euskal poesian hain jorratua ez den subjektutasun jakin batetik, emakumearenetik alegia. Eta horretan, emakume-subjektu bat(zu)en ezintasunak adierazteko orduan trebetasunez josi ditu lehen parteko poemak, ezintasun horietan sakonduz, eta horrekin batera, emakume-identitateak sorturiko ezintasuna, identitate horrek berak sorturiko mugak agerraraziz (izan muga fisikoak, izan muga psikologikoak, izan jendarte mailako mugak).